1 TEESADOONISENSE 2:16 - Wanaadi A'deddu

¹⁶ Tönwanno ñaa wwä aneecammajoojätö’da weneeneto judhíojöncomo wwä, yääwanaacadööcomo queiñe. Mädääje jooje’cä mma töcoone’nadiiyöcoomo nejannä’caato. Eduuwa Wanaadi wwä töwäätä’maminchajoomöje naato.

1 TEESADOONISENSE 2:16 ပူးပေါင်းရင်းမြစ်များ

MATEO 12:45

Töwö nöta yaawä töjimmä wetäiñe. Aacä amoojato odo’shancomo nene’aato yaawä; cone’daiñe’cä jeene tönwanno. Yaawä tönwanno nomongaato ñäädä soto aca, töweejata’tädööcomo wetä. Yaawä ñäädä soto wecoone’maajä na awa’de töwei’jödö e’jodhe’cä jeene. Mädääje nä’döaato’de canno soto conemjöncomo, eduuwa naatoodö.

MATEO 23:32

Tacoichajoone acoichajootäcä eduuwa adhaadai’choncomo tönnöe cönä’ja’todö.

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

MATEO 24:6

Yaawä wänä ecaadö metaato’de, wänä jäcä ecammajäätödö mmaja. Yääje yeichaame määcatoncatäi’che. Mädääje yeeja’dä’tojo na, wataametoojojöönö mma yeichaame.

MATEO 3:12

Töwö na äiña ji’jämjödö töja’nei eijai naichöje mmaja, sheemeecatoojo dha’me. Jödoodo sheemeecadö’jo äiña nishooma yaawä shoomatoojo taca; iji’jämjödö mmaane niyau’cwa wa’to töwäätunque’emjönö que; que cönä’döaacä Juan Wautiita.

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

DOSECHO 13:45

Yaawä jooje soto we’jumma’como eneea’jäcä ñanno judhío Paudo cöni’ñeimma’to. Tönwanno cönaajäntoicho dha’deddu eccujäätödö, chimmajäätödö mmaja.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 14:19

Yääje mma yaawä anejjacoomo judhío cöneejoto Antiyooquía ñanno, Icooniyo ñanno mmaja; tönwanno soto cöni’jedoicho yaawä Paudo jäcäiñe. Yaawä ñanno soto Paudo cönwäjäätöicho täju que. Jata tö’cäi cöni’ji’chöicho yaawä, yäämaatäi.

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 14:5

Yaawä judhíojöncomo mmaja, cajiichaanacoomo jadä cöna’deuwöicho Paudo maminchadööcomo wetä, täju que töwääjätöödöcoomo wetä mmaja.

DOSECHO 17:13

Yaawä judhío Teesadoonica ñancomo cöneeta’to Wedeea ña Paudo wwä Wanaadi a’deddu ecammajäätödö. Tönwanno cöntonto yaawä iiña; soto cöni’jedoicho yaawä Paudo jäcäiñe.

DOSECHO 19:9

Anejjacoomo eta’se’da cönä’ja’to; aneecamjö’da cöneiya’to. Tameedä soto netaadöcoomoje cone’da töwa’deuwe tönwanno cönä’ja’to quedeiyenteje weiñä jäcä. Yaawä Paudo cönsancwaicho. Töwö quedeiyentecoomo cönaadoicho Tidaano nowaanomaatojo taca; iiña anooto waadäi töneecammajä’e cönä’jaacä chäwwäiñe.

DOSECHO 21:21

Tönwanno adheecadö töneeta weneeneto judhío aneiñajancomo Moisé waanontä’jödö e’nomjajoodöje tönoowanoomaiñe aweichö, siicunsidaadoje iiñacoomo ännöjo’da aweichö mmaja; judhío wätunnäichomo ännöjo’da aweichö mmaja töneeta weneeneto dea.

DOSECHO 23:12

Yää jenamma naadöje anejjacoomo judhío cöna’deuwöicho Paudo emaadö jäcä. Tönwanno cönä’döa’to: —Ääwashinchä’da queichäiye, cöwoocödööcomo aneenö’da mmaja, Paudo emaadö wa’cä cöwwäiñe; quee cönä’döa’to.

DOSECHO 24:9

Tameedä judhío yäätä cönä’ja’todö cönä’döa’to yaawä: —Chäänöngato mädä na’deuwaadö; quee.

DOSECHO 25:2

Yäätä Wanaadi wwä töwa’deuwaamo edhaajotoncomo, anejjacoomo judhío täneejuca’como mmaja, cöna’deuwöicho chäwwä Paudo jäcä.

DOSECHO 25:7

Paudo wä’döa’jäcä ñanno judhío Jeduusadén ñancomo wä’döa’como cönaawodhentoicho yaawä. Tönwanno jooje Paudo cöneementa’to conemjönö jäcä; chäänöngato jaiñoone a’que cönä’jaacä dha’dedducoomo.

DOSECHO 4:12

Anejja wwä wääwanaacatoojo ejoodöjai’cha caato; anejja äätö ’je’da na edä nono de’wä soto wääwanaacato’como; quee cönä’döaacä Peedhodo.

DOSECHO 9:23

Yääje mma yaawä jooje anooto yä’döa’jäcä judhío cöna’deuwöicho Saudo emaadö a’de’tädö wetä.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

CAADATA 5:11

Jimmä, siicunsidaadoje soto tödööjodööcomooje dea weiya’jäcä yaawä tu’de’tä’da judhíocoomo eichöto. Yääje weiñä jäcä ecammajäätödööje dea weiya’jäcä, chäwwäiñe se’ne’daane eichö Quidiito wääma’jödö jäcä ecammajäätödö.

EUJEESIYO 3:13

Yääje yeijäcä yääje wä’döa äwwäiñe, ejääduqueejö’da eichäcä mädä äjääcäinchädäiñe wäntunaanö’aadö e’nei, aashicha ayöödöto’comoone yeiyajä.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

1 TEESADOONISENSE 1:10

Tönwanno dea töneecammajä’e weneeneto caju ñanno Jesuuquidiito weejödö womoocödööje aweichöcoomo, ñäädä Wanaadi nnedö, yäämaajo jonno Wanaadi cönaadoncaichö. Ñäädä Jesuuquidiito Cäwaanacaaneichomooje na conemjönö ne’a’dedö jonno.

2 TEESADOONISENSE 2:10

Aneejejaiñene’jödöödä conemjönö que nencu’taato’de ñanno töwännanö’aamoje töweiyaamo. Tönwanno mädääje nätäncu’täjaato’de chäänöngato ämjumma’da töwei’jocoomo e’nei, yää töwääwanaacato’comoojato’jödö.

1 TIIMOTEO 2:4

Töwö Wanaadi tameedä soto yääwanaaca’seiñe na, tameedä chäänöngato wätunnä dhowaanäcäiñe yei’she na dea.

EEWEDEO 6:8

Dha’da ’quene wesooca mma nono wwä a’tanö’ja’jäcä, wääjucu mmaja, Wanaadi wacö’je’da na yaawä; tuccaamöje mma na yaawä.

APOOCADIISI 22:11

Ñäädä conemjönö tödöönei, conemjönö tödöödöje dea nei’ñojo’de. Ñäädä nossajaato tö’tajäätödö, nossaje dea nichö’tajäätö’ñojo’dede. Ñäädä chäänöngato, chäänöngeedä nei’ñojo’de. Ñäädä aashichaato, aashichaadä nei’ñojo’dede; quee cönä’döaacä ñäädä amoode.