1 TEESADOONISENSE 2:15 - Wanaadi A'deddu

¹⁵ Ñanno judhíocoomo Cädhaajotoncomo Jesuuquidiito cöneemaicho, ñanno töjimmotoncomo Wanaadi wa’deuwödö ecammannamo cömjajoichodööje dea. Ñaa mmaja ñaa ja’canö’joneeto dea. Tönwanno Wanaadi woije’da weneeneto; tameedä soto tu’de’tännamooje naato.

1 TEESADOONISENSE 2:15 ပူးပေါင်းရင်းမြစ်များ

MATEO 23:37

“Änwanno Jeduusadén ñancomo, Wanaadi wa’deuwödö ecammannamo töja’nnamo, äwwadäädäiñe anonta’como täju que töwääjä’nnamo; wameedi tönnacoomo tajä’sai o’nä tönnöe naichöje dea öwwadäädä adheenejö’seiñe wääneneedö’je, yääje awei’sheiñe’daane’ änwanno.

MATEO 27:25

Yaawä tameedä ñanno soto cöneccujä’a’to; cönä’döa’to: —Cone’da määdhä emaadö yeiya’jäcä ñaa näntunaanö’a’de mma’ne, ñaa nnacoomo mmaja; quee.

MATEO 5:12

Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea tömmaminchaiñe töweiye cönä’ja’to odhoowajoodo’como Wanaadi wa’deuwödö ecammannamo.

DUUCA 24:20

Yaawä Wanaadi wwä töwa’deuwaamo edhaajotoncomo, ñaa cajiichaanaichomo mmaja, cuntuicho ñäädä, emaadö a’de’tädö wetä, cuduusa jäcä ajoijojoodö wetä mmaja,

DOSECHO 12:3

Judhío wacö’comje quedeiyente maminchadööcomo eneea’jäcä, töwö Edoodhe Peedhodo daja jedeesoje cönnöjoi yaawä. Yaawä cönä’jaacä uu ummannä’cajootojo ’jemjönö tau’tojo comjedensiyai’chädö.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 5:30

Cadai’choncomo Wanaadiyö Jesuuquidiito cönaadoncai yäämaajo jonno, ñäädä cuduusa jäcä ajoijodö que memaatäneedö.

DOSECHO 7:52

¿Äshono ca Wanaadi wa’deuwödö ecammanei ämmamincha’da cöneiya’to ñanno adhaadai’choncomo? Tönwanno cöneemaicho ñanno jenaadä ñäädä aashichaato weejödö jäcä ecammannamo’jödö. Ñäädä aashichaato we’a’jäcä änwanno mu’täne yaawä, memaatäne dea.

1 CODINTIYO 10:5

Yääje yeichaame tameedä’da chäänönge cönä’ja’to Wanaadi owaadäädä, jata’jemjönö aca cönä’jajoichodö naane’.

2 CODINTIYO 11:26

Weiñäje töwäämannä’e wäänene dea; jooje töwäämaichajä’e wäänene, tuna wwä, tämeena’como wwä mmaja, jimmä mmädä wwä mmaja, anejjacoomo wwä mmaja. Jataawä weichawä mmaja töwäämaichajo wäänene, jata ’jemjönö aca weichawä mmaja, dama ’cwai öötädaawä mmaja. Quedeiyenteja’como wätä’tädööcomo wwä mmaja töwäätä’maminchajo wäänene dea.