1 TEESADOONISENSE 2:13 - Wanaadi A'deddu

¹³ Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

1 TEESADOONISENSE 2:13 ပူးပေါင်းရင်းမြစ်များ

MATEO 10:20

Änwannojöönööne adha’deuwato’de, Epíiditu Santoone na’deuwa’de äntaiñe, ñäädä Oomotoncomo dö’sennoto.

MATEO 10:40

“Ñäädä aashicha ayöödöneichomo, aashicha yöödöa dea. Ñäädä aashicha yöödönei, aashicha yaanontänei’jödö tödöödö wa’cä mmaja na dea yää.

DUUCA 11:28

Jesuuquidiito cönä’döaacä yaawä: —Ñannoone ta’cwaiñe eijai ñaato, Wanaadi a’deddu etannamo, tödönnamo mmaja; quee cönä’döaacä.

DUUCA 5:1

Jeneesade cu’jäi jawä Jesuuquidiito weichö, jooje soto cönä’döicho yöiña, Wanaadi a’deddu eta’se töweijäcäiñe. Tönwanno Jesuuquidiito cönanwacö’ja’to, yeichojo ’je’da tödööene.

DUUCA 8:11

“Edääje töwä’dö’se yeichö mädä yö’seeno. Dhadöödö yää Wanaadi a’deddu.

DUUCA 8:21

Töwö Jesuuquidiito cönä’döaacä chäwwäiñe: —Ñanno Wanaadi a’deddu etannamo, tödönnamo mmaja, ñannoone ñanno maama, yaacontomo mmaja; quee cönä’döaacä Jesuuquidiito.

JUAN 15:3

Änwanno töcooneca maato eduuwa a’deu töwa’deuwe wääneneedö que.

JUAN 17:17

A’deu chäänöngato que shoomacooto; adha’deddu yää a’deu chäänöngato.

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 13:48

Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

DOSECHO 8:14

Yaawä anonta’como Jeduusadén ñancomo cöneeta’to aashicha Wanaadi a’deddu ecammajäätödö eta’jödö Samaadiya ñancomo wwä; yääje yeijäcä iiña cönaanontoicho Peedhodo, Juan mmaja.

DOMAANO 10:17

Mädääje na; ecamjödö töweiye nai ecammajäätödö etaadö que; yää tätaajä’emö yää Quidiito wätunnäi.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

CAADATA 4:14

Cone’da cäädäichö weichaame änwanno quiiñemeecö’da mä’ja’quene, jo’ma’da mmaja. Wanaadi amoodedö tödöödö wa’cä mmaane cödöötäne, Jesuuquidiito tödöödö wa’cä mmaja.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

EEWEDEO 4:12

Wanaadi a’deddu yeichöödäje na, jäduuje mmaja, sauda ääjatooto dhejiiyajä e’jodhe seqque yeichö. Sö’je chäcä yääwaacadö cödo’tacaiñe, cötö’tajäätödööcomo tojoodöeene. Cötö’tajäätödööcomo jaiñoone nene’ju’ja, cötö’tajo’to’como mmaja.

EEWEDEO 4:2

Cönwanno cöwwäiñe mmaja aashichaato wätunnä cönäätäcammai, ñanno wwäiñe cönäätäcammaichöje mmaja. Yaawääne’, yää wätunnä eta’jödö ännö’daiñe cöneiyacä, aneecamjö’da yei’jocoomo weijäcä töneeta’jocoomo.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

1 PEEDHODO 1:23

Änwanno töwennue maato eduuwatoje, soto weichö töwaatameemö que’da, Wanaadi a’deddu yeichöödäjaato queene, yää töwaatamemjönö.

1 PEEDHODO 1:25

Wanaadi a’deddu mmaane yeichöödäje na; quee imennaajä nä’döa. Wanaadi a’deddu yää aashichaato wätunnä, äwwäiñe täcamma naadö.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.