1 TEESADOONISENSE 1:8 - Wanaadi A'deddu

⁸ Yääje yeijäcä ojonnoiñe Cajiichaana a’deddu cöneecatai Maasadooniya ña, Acaaya ña mma’da. Tameedä yeichö wa’cä tacaade maato, Wanaadi töneecanö’e aweichöcoomo. Yääje yeijäcä adheecadööcomo täcammajä’emje’da ñaa wwä na.

1 TEESADOONISENSE 1:8 ပူးပေါင်းရင်းမြစ်များ

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOMAANO 1:8

Edääje wä’dö’se wa awa’de: Jesuuquidiito joi aashicha töwa’deuwe wäänene Waanadiiyö wwä äjääcäinchädäiñe, tameedä yeichö wa’cä tacaade aweijäcäiñe Wanaadi töneecanö’e aweichöcoomo.

DOMAANO 15:26

Ñanno Maasedooniya ñancomo, Acaaya ñancomo mmaja, töjöödataichomo cöni’jummaicho Jeduusadén ñancomo quedeiyente wäntunamjödööcomo i’wa’toto’comooje.

DOMAANO 16:19

Chäänönge tönnöe aweichöcoomo tacaade na tameedä yeichö wa’cä; yääje yeijäcä ta’cwaiñe wa äjääcäiñe. Töweesomaajä’e aweichonse wa aashichaato tödöödö jäcä; conemjönö tödöödö jäcä mmaane odhoowoinchadäiñe aweichonse wa.

1 CODINTIYO 14:36

Änwannojöönööne Wanaadi a’deddu majäntojootäne; ñanno mmajöönö änwanno dha’deddu etannamo.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 3:4

Wanaadi ecaanö’ancädä yääje wimenna, Quidiito jäcäinchädä.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

2 TEESADOONISENSE 1:4

Äjääcäiñe ta’cwaiñe töweichö que adheecammajä’täiñe ñaa weneene tameedä quedeiyentecoomo wecanta’ñoto’como waadäi. Töneecammajä’e ñaa weneene aashicha tönshinchä aweichöcoomo jäcä, töneecanö’e aweichöcoomo jäcä mmaja, äwäätä’maminchajoodöcoomo jona’da, äwäntunamjödööcomo jona’da mmaja, yää miyeetuncaatoodö.

2 TEESADOONISENSE 3:1

Änwanno jimmä, Wanaadi wwä adha’deutäcä ñaa jäcä, tameedä yeichö wa’cä Cajiichaana a’deddu ätääcammaiye, aashicha mmaja soto etaiyeto’de, änwanno metaatäneedöje mmaja.

1 TIIMOTEO 2:8

Yääje yeijäcä tameedä yeichö wa’cä dhanwaacomo Wanaadi wwä ya’deuwö’seiñe wa, tamäädöcoomo choccaajä annä’ancädä, töwäätöma’se töweiyancädäiñe’da, töwäätäuwö’se töweiyancädäiñe’da mmaja.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.

3 JUAN 1:12

Tameedä soto aashicha töwa’deuwe weneeneto Demeetediiyo jäcä; chäänönge weiñä woije töwö weneene. Ñaa mmaja ñaa owaanäcä na dea chäänönge yeichö. Änwanno odhoowanääcäiñe na chäänönge ñaa necammadö yeichö.

APOOCADIISI 14:6

Weneeaqueene yaawä anejja amoode waiñömöödö caju dacääcä. Yeichöödoto aashichaato wätunnä dha’me cönä’jaacä nono de’woncomo wwäiñe täcammajä’emö, tameedä soto weichöcoomo wwäiñe täcammajä’emö, ñanno tameedä nono weichö de’woncomo, aata’deucwemjöncomo, tameedä jata waadoinchomo.

APOOCADIISI 22:17

Epíiditu Santo mmaja, Oweeja nnedö’ca jiñamo mmaja edääje nä’döaato: —Ä’cäde; quee. Ñäädä etaanei mmaja mädääje ä’döjai ña dea: —Ä’cäde; quee. Ñäädä emjätö’sato neejö’ñojo; ñäädä enö’sato weichojo tunai’chädö nenö’ñojo, täje’da.