1 TEESADOONISENSE 1:5 - Wanaadi A'deddu

⁵ Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

1 TEESADOONISENSE 1:5 ပူးပေါင်းရင်းမြစ်များ

MAADOCO 16:20

Ñanno ñoowanoomadö cöntonto yaawä, tameedä yeichö wa’cä aashichaato wätunnä cöneecammajäätöicho. Cädhaajotoncomo Jesuuquidiito dea töni’wa’täiñe cönä’jaacä. Ta’deddu töneene’ju’jo töweiye cönä’jaacä täneemö aashichaato que. Amén.

DUUCA 1:1

Jooje anejjacoomo cönoonejaicho wätunnä imennädö, yää ñaa antawä cöneeja’dätäichö jäcä.

DOSECHO 11:21

Tönwanno Cajiichaana jäduudu ’je cönä’ja’to; jooje soto töwäätunnäichomo jonno Cajiichaana Jesuuquidiito cöneecamjöicho.

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

1 CODINTIYO 1:24

Ñanno Wanaadi na’dejjadö wwäiñe mmaane Quidiito na Wanaadi jäduudu edhaajäje, shejjedö edhaajäje mmaja, judhío wwäiñe, quidiiyeeco wwäiñe mmaja.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

1 CODINTIYO 3:6

Öwö Wanaadi a’deddu wecammajä’ne awa’deene äwwäiñe, dhadöödö ñaatö’tädö töweiye naichöje; Apoodo ’quene töjöönei nönge cönä’jaacä; Wanaadi mmaane iiñejencaneije.

1 CODINTIYO 4:20

Wanaadi töcaajichaanaije weiñä na wa’deunä que’da, jädu queene.

1 CODINTIYO 9:14

Mädääje mmaja Cajiichaana Jesuuquidiito waanontädö na dea ñanno aashichaato wätunnä ecammajäätödö jäconcomo wetaadawa’cajoodö jäcäiñe; mädä tötaadawaajuichomo que dea töweicho’como chaana’cajai ñaato.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

CAADATA 2:2

Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

CAADATA 5:5

Cönwanno quedeiyentecoomo mmaane ecamjödö que quiiyomo’cato aashicha cödöödöcoomo Epíiditu Santo wwä.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

EUJEESIYO 3:20

Töwö Wanaadi töjäädudu cötaacaiñe naadö que tödööjai ña tameedä cöne’catäädöcoomo e’jodhe, cöntö’tammecöödöcoomo e’jodhe mmaja.

JIDIIPENSE 2:13

Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

JIDIIPENSE 4:9

Yää tödöötäcä’de änwanno, monoowanoomatäänedö, äwwäiñe mödöötäneedö mmaja, metaatäneedö mmaja, tödöödöje cäneea’quennö. Yaawä Wanaadi ajaadäiñe na’de, ñäädä täncanoode’da weiñä edhaajä.

CODOOSENSE 2:2

Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

2 TEESADOONISENSE 2:14

Mädääjatooje töwö Wanaadi adha’dejjatääne, aashichaato wätunnä ñaa necammajäätö’jödö que, aashicha Cädhaajotoncomo Jesuuquidiito weichö ejoodödö wetä äwwäiñe.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

2 TIIMOTEO 2:8

Jesuuquidiito jäcä ätö’täcä, ñäädä töwäämaajo jonnoto waadonca’jödö, Dawí atöödö. Mädääje aashichaato wätunnä töneecammajä’e wäänene.

EEWEDEO 10:22

Yääje yeijäcä Wanaadi wwadäädä cöötätäiye chäänönge cötö’tajäätödööcomo yeiyancädä, chäänönge ecaanö’ancädä mmaja, conemjönö jonno cötö’tajäätödööcomo chocca’jödö weijäcä chäwwä, cäjööcomo chocca’jödö weijäcä mmaja tuna aashichaato que.

EEWEDEO 6:11

Mädääje dea tameedä aweichonse ñaa na, yaatameedö jonaane, chäänönge äwwäiñe yä’dödö wa’cä yää onwomoocödööcomooje naadö.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 PEEDHODO 5:3

Ñanno aneedai’chädööcomo edhaajotoncomo nönge aweiyancädäiñe’da edai’chätääcä, aashicha ñeenedööcomooje aweiyancädäiñeene, anöngeiñe mmaja eiyetoode yaawä.

2 PEEDHODO 1:10

Yääje yeijäcä jimmä, jooje’cä jeene ä’jädu’tätääcä, chäänönge odhoowanääcäiñe yeichö wetä Wanaadi na’dejjadööje aweichöcoomo, ñe’ta’jödööje aweichöcoomo mmaja. Yää tödööa’jäcä äwwäiñe shaadijaamö’da eijai maato yeichöje.

2 PEEDHODO 1:19

Yääje yeijäcä täcaanö’emje jeene na yää Wanaadi wa’deuwödö ecammannamo nimenno’jocoomo. Yää imennaajä na adhaawa tööjano’taca yeijoneije töweiye naichöje; yääje yeijäcä yoije eijai maato, yaawaanadö jonaane, shidiichä yaawaanadaawono adheewanööcomo weijoneije yä’dödö wa’cä.