1 TEESADOONISENSE 1:1 - Wanaadi A'deddu

¹ Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito mmaja. Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TEESADOONISENSE 1:1 ပူးပေါင်းရင်းမြစ်များ

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 15:27

Äwwadäädäiñe ñaa nanonta Juudha, Siida mmaja. Tönwanno jaiñoone tameedä mädä necammajä’aato’de äwwäiñe.

DOSECHO 15:40

Paudo mmaane Siida cönnöi töweichacoonoje. Yaawä Cajiichaana wwä töjääcäiñe quedeiyentecoomo wa’deuwö’jocomje tönwanno cönääma’toicho yäätonno.

DOSECHO 16:19

Yaawä ñäädä wodi edhaamo dhowaanäcäiñe cönä’jaacä ñäädä ajei’choto’jaato ai töjöödataichomo chaana’cajai’cha töweichöcoomo. Yääje yeijäcä tönwanno Paudo cönaajoicho, Siida mmaja; cönaadoicho yaawä acu’shänä wwadäädäiñe, jata jödoodoi’chädö aca.

DOSECHO 16:25

Yaawä yo’tawääne Paudo, Siida mmaja Wanaadi wwä cöna’deuwa’to; cöneecanta’ña’to dea. Anejjacoomo jedeeso cöneeta’to yeecanta’ñädööcomo.

DOSECHO 16:29

Yaawä adhaawa e’catäädö’jo ñäädä jedeeso edai’chäneichomo cönoomomöi Paudo döiñaiñe tötäätä’nöngancädä. Tä’mudhe cönä’döi yaawä Paudo, Siida o’wawäiñe.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 19:22

Yaawä towaajo Maasedooniya ña töwö cönaanontäi aacä tö’wa’tännamo: Tiimoteo, Edaasato mmaja. Paudo mmaane Aasiya ña cöno’somjoi numa’cäiche.

DOSECHO 20:4

Chääjadä cöntonto Soopateedo, ñäädä Wedeea ñano; Aaditaaducu mmaja cönä’ja’dea; Secuntu mmaja, Teesadoonica ñancomo; Caayo mmaja, Deedewe ñano; Tiimoteo mmaja; Tíiquico mmaja; Todóojimo mmaja, ñanno Aasiya ñancomo.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 1:19

Ñäädä Jesuuquidiito, Wanaadi nnedö, ñaa cöneecammajäätöi äwwäiñe, Siidawaano mmaja, Tiimoteo mmaja, öwö mmaja. Ñäädä Jesuuquidiito a’deddu töweiye cönä’jaacä “ee” queeto de’wä “ng’jn” quee töwä’döancädä’da. Töwö Quidiito töwa’deuwö’jödö nönge ännö’da’da weneene;

CAADATA 1:2

Öwö mmaja, tameedä quedeiyentecoomo jaadä naatoodö mmaja, ñaa nimenna äwwadäädäiñe, änwanno quedeiyentecoomo Cadaasiya ñancomo.

CAADATA 1:22

Yeene’da dea cönä’ja’to Quidiito ecaanö’nnamo Judheea ñancomo.

EUJEESIYO 1:2

Aashichaato, täncanoode’da aweicho’como mmaja, äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

CODOOSENSE 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteo acä

2 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito jadoncomo mmaja.

1 TIIMOTEO 1:2

Äwwadäädä wimenna, amäädä Tiimoteo, önnedö neene, ecamjödö jäcäinchädä. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TIIMOTEO 1:2

Äwwadäädä wimenna amäädä Tiimoteo, önnedö umjummadö. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

EEWEDEO 13:23

Edääje wä’dö’se wa äwwäiñe: Cöjimmotoncomo Tiimoteo tu’ca na eduuwa jedeesoje yeichö jonno. Eduuwa mma sadä yä’döa’jäcä a’nädä ñaa nöta’de adöiñaiñe.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.