1 PEEDHODO 5:9 - Wanaadi A'deddu

⁹ Oowontätääcä chäwwä, chäänönge ecaanö’ancädä. Mädääje dea töwäntunaanö’e weneeneto ajimmotoncomo tameedä yeichö wa’cä edä nono de’wä.

1 PEEDHODO 5:9 ပူးပေါင်းရင်းမြစ်များ

DUUCA 22:32

Yääje yeijäcä Wanaadi wwä we’ca’ne ecamjödööje dea aweichojo. Yaawä aweeconeeca’jäcä ajimmä ijäädu’täcooto’de; quee cönä’döaacä Jesuuquidiito.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

1 CODINTIYO 10:13

Yää wä’yunaacanä ojoonaiñe töwe’e weneenedö tameedä soto noneejaatöcoomo dea yää. Chäänöngato ñäädä Wanaadi, töwö ayuunacaajotäiñe’da na adhe’jodheena’como que. Äwä’yunaacajoodöcoomo waadäi töwö Wanaadi nu’a äwwäiñe e’jodheinchatoojo, yää shinchädö wetä äwwäiñe.

EUJEESIYO 4:27

Äwwadäädäiñe odo’sha we’tojo mma männötäi’che.

EUJEESIYO 6:16

Tameedä mädä de’wä mmaja jeene ecamjödö tödöötäcä odo’tadööcomo ewontotoojoje. Yää que uncwe’cajai maato tameedä odo’sha shimaadai emjannaajä weejödö.

CODOOSENSE 2:5

Öwö ajaadäiñe’da weichaame tö’tajäätödööne ajaadäiñe na. Ta’cwaiñe wäänene chäänönge aweichöcoomo yoowanääcä yeijäcä, Quidiito ecamjödö jäcä yäätäädä aweichöcoomo yoowanääcä yeijäcä mmaja.

1 TEESADOONISENSE 3:3

aweejäduuquejöödöcoomo queiñe mmaja mädä äwäntunamjödööcomo e’nei. Änwanno odhoowanääcäiñe na mädääje töwäntunaanö’aamoje cöweichöcoomo.

1 TIIMOTEO 6:12

Aashicha adheewänä’täcä cöneecamjödööcomo jäcäinchädä; chäänönge ajäichä yeichöödoto weiñä, yää chääjäcäinchädä mata’dejjajoonedö wannacoomo soto netaadöcoomoje määcammaaquennawä.

2 TIIMOTEO 3:12

Tameedä Jesuuquidiito woije töwei’sha’como nätä’maminchajaato’de.

2 TIIMOTEO 4:7

Chäänönge yeewänä’täne; yeemadö jonno shaadijaamö’da wa; chäänönge neecamjödö wödööne.

EEWEDEO 11:33

Dhantai ecamjödö que soto töne’jodheincha cönä’ja’to, aashichaato tönnöe cönä’ja’to dea, Wanaadi necamma’jödö tö’wa’toto’como cöneedhajä’toicho dea. Ecamjödö que mmaja mado cönincha’duicho,

EEWEDEO 12:8

Äwäätuujatäiñe’da Wanaadi weiya’jäcä, tameedä tönnacoomo tönnöeiñe weneenedööje, tuncato töweiye naichöje’da maato yaawä; masuuduicha’jä nönge mma eijai maato yaawä, tunquemjöncomo nönge mma.

SANTIYAACO 4:7

Yääje yeijäcä Wanaadi wwä ä’tutääcä. Odo’sha mmaane ijo’matääcä, äänejeiye ojonnoiñe.

1 PEEDHODO 1:6

Yääje yeijäcä ta’cwaiñe eijai maato, a’dhe aneejejaiñeñe’jödöödä äwäntunaanö’taameiñe.

1 PEEDHODO 2:21

Mädääje töweiyaamoje Wanaadi adha’dejjatääne. Jesuuquidiito mmaja cönäntunamjöi chea äjääcäinchädäiñe, aneenedööcomooje töweiyemööje, töwö yei’jödö nönge mmaja aweichöcoomo wetä.

1 PEEDHODO 3:14

Yaawääne’ aashichaato tödö’jödö weichaame äwäntunaanö’a’comjäcä, ta’cwaiñe eijai maato. Anejjacoomo monnontätäi; määcatoncatäi’chede.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 6:11

Yaawä chääwaadäiñe cönä’tui yoomöcoomo tajääde’da’como. Edääje cönäätäcammai chäwwäiñe: —Äädeetatääcä a’dhe, chääwa’cä ñanno ajimmotoncomo wä’jajoodöcoomo wa’cä, ñanno Quidiito sotoi, äwä’jajo’jocoomo nönge töwä’ja’aamo; quee chäwwäiñe cönäätäcammai.

APOOCADIISI 7:14

Öwö wä’döaaquene yaawä: —Amäädä odhoowanääcä na; quee. Yaawä edääje cönä’döaacä töwö: —Ñanno canno yää wäntunaanö’nä tacaadato acancomo we’a’como. Tönwanno töwoomöcoomo tajääde’deiñe cöncoccaicho Oweeja nnedö’cä aquiiyö que.