1 PEEDHODO 5:8 - Wanaadi A'deddu

⁸ Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

1 PEEDHODO 5:8 ပူးပေါင်းရင်းမြစ်များ

MATEO 13:39

Ñäädä chu’dedö, conemjönö ñaatö’tänei’jödö, odo’sha cu’tädö ñäädä. Yää aiyodö cu’nädö anooto wataamedö cu’tädö. Ñanno äiña aiyonnamo ñanno Wanaadi amoodedö cu’tädö.

MATEO 24:42

“Äädai’chätääcä; odhoowanääcäiñe’da na adheedhajootoncomo we’tojo.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 4:1

Yääje mma yaawä Jesuuquidiito cöntämä jata ’jemjönö aca, Epíiditu Santo nanontädö woije, töwä’yunaacajoodö wetä odo’sha wwä.

MATEO 4:11

Yääje mma yaawä odo’sha cöntämä Jesuuquidiito jonno. Wanaadi amoodedö cöneejoto yaawä Jesuuquidiito ’wa’tännamooje.

MAADOCO 4:15

Anejja wwä Wanaadi a’deddu ecammajäätödö eta’jäcä, Caajuushawa ne’a yaawä; yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawä dhadöödö cönä’meichö.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DUUCA 21:36

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

DUUCA 22:31

Yaawä Cädhaajotoncomo cönä’döa’dea: —Amäädä Simón, Caajuushawa adhe’ca’täne ayuunacaadöcoomo wetä, tönö’nä momjödö töweiye naichöje.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

2 CODINTIYO 2:11

Caajuushawa wwä co’jodheinchadööcomo queiñe. Cönwanno cowaanäcäiñe’da’da töwö iiñödö.

EUJEESIYO 4:27

Äwwadäädäiñe odo’sha we’tojo mma männötäi’che.

EUJEESIYO 6:11

Adheewontätääcä tameedä owoowontoto’como que, yää Wanaadi nutuudu, jäduuje aweichöcoomo wetä yaawä odo’sha adhencu’tä’seiñe yeichawä.

1 TIIMOTEO 2:15

Yääje yeichaame töwö wodi nääwanaaca’de chäänönge tönnacoomo tödöödö que, ecamjödööje dea yeiya’jäcä, wä’jummanä ’je mmaja, masuuduije’da yeiya’jäcä mmaja, wataasheje’da’da yeiya’jäcä mmaja.

1 TIIMOTEO 2:9

Wodiiñamo aashicha ewontäjai ñaato, wataasheje’da’da, töjöiyato töweiye naichöjeene. Yensoma’tojo’to’como eijai ña tuju’jädööcomo acaajodööjönööne; oodojöönö mmaja yennataamato’comooje eijai ña dea, mayuudujöönö mmaja, womö täjeetojöönö mmaja.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

TIITO 2:2

Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

TIITO 2:4

wodiiñamo mudeeshi owaanomaiyeto yaawä töiñonootoncomo ijummadö jäcä, tönnacontoncomo ijummadö jäcä mmaja.

TIITO 2:6

Dhanwaacomo mudeeshi mmaja yäätuujacooto towaadäädäiñe yeichöcoomo wetä.

SANTIYAACO 4:7

Yääje yeijäcä Wanaadi wwä ä’tutääcä. Odo’sha mmaane ijo’matääcä, äänejeiye ojonnoiñe.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

APOOCADIISI 12:10

Caju ña a’deu wetaaquene yaawä. Jooje cönäätaacä; cönä’döaacä: —Eduuwa chäänönge nä’döi wääwanaacatoojo, Cöwaanadiiyöcoomo wwä töjäädudu eneejotoojo mmaja, cajiichaanaje töweichö eneejotoojo mmaja, dhanoonö Quidiito cajiichaanaje yeichojo mmaja. Caju ñanno cönootonno’jajoi eduuwa ñäädä cöjimmotoncomo ementäneichomo’jödö, ñäädä ano, coijai’jödöödä Wanaadi wwä töneementäiñe töweiye cönä’ja’dö.

APOOCADIISI 12:12

Yääje yeijäcä adha’cwainchatääcä änwanno caju ñancomo. Nono de’woncomo mmaane wentumje naato’de, änwanno mmaja dama ’cwawoncomo, odo’sha adöiñaiñe yä’tä’jödö weijäcä, jooje töwäätömaadöje. Töwö töwäätöma na dhowaanäcä yeijäcä numa’da töweichojo yeichö; quee a’deu cönäätaacä.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 20:2

Ñäädä amoode caimaana cönaajäi, ñäädä äcääyu, jenaadä cönä’ja’dö, odö’sha täätö, Caajuushawa täätö mmaja. Cöni’wadö’täi yaawä 1,000 weduuto ’cäwa’cä.