1 PEEDHODO 5:1 - Wanaadi A'deddu

¹ Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

1 PEEDHODO 5:1 ပူးပေါင်းရင်းမြစ်များ

DUUCA 24:48

Änwanno ñanno yää enennamo’jödö, ecammajä’nnamooje töweiyaamo.

DOSECHO 1:22

Juan wwä wautisaaje Jesuuquidiito wä’döjo’jödö jonnoto’jödöödä cäju ña iichä’jödö jona tödööene cöjaadoncomo’jödö dea eijai ña. Yaawä ñäädä cöjaadäiñe eijai ña töwäämaajo jonno Jesuuquidiito waadonca’jödö jäcä ecammajä’neije; quee cönä’döaacä Peedhodo quedeiyente wwäiñe.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 11:30

Yää töni’jumma’jocoomo ansiyaano Judheea ñancomo wwadäädä cönaadojoicho yaawä Waanawé wwä, Saudo wwä mmaja.

DOSECHO 14:23

Tönwanno ansiyaano cöneewaacaicho quedeiyente jataadöcoomo waadäi. Yaawä Wanaadi wwä töwa’deuwö’jejeiñe, töwäänema’jejeiñe mmaja, Cajiichaana Jesuuquidiito wwä cöneedai’chäja’to, ñäädä ñeecamjödööcomo.

DOSECHO 15:4

Yaawä Jeduusadén ña Paudo wä’döa’comjäcä aashicha quedeiyentecoomo cöna’dejjaicho, anonta’como mmaja, ansiyaano mmaja. Yaawä Paudo cöneecammajä’a’to tameedä Wanaadi nödö’jödö töjääcäiñe.

DOSECHO 15:6

Yaawä anonta’como cöne’jummaicho ansiyaano jadäiñe yää jäcä töwa’deuwödööcomo wetä.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 20:17

Yaawä Paudo Mideeto ñanno soto cönaanontäi Eujeeso ña, ansiyaano a’dejjaiñe.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 21:18

Yaawä yää jenamma naadöje Paudo jadä ñaa cöntämä Jacoowo döiña; yäätä cönä’ja’to tameedä ansiyaano.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

2 CODINTIYO 5:1

Edä cäjööcomooje naadö maa töwaatameemö nönge na. Cönwanno cowaanäcäiñe na edä wataamea’jäcä anejja maa cöwwäiñe töweiye yeichö caju ña, soto namäädöjöönö, Wanaadi namäädö yeichöödäjaatoone.

2 CODINTIYO 5:8

Cönwanno ta’cwaiñe cäänetääne edä cäjööcomooje naadö e’nomja’se cöweichaameiñe, Cajiichaana jadä cöweichöcoomo wetä yaawä.

JIDIIPENSE 1:19

yoowanääcä yeijäcä mädä jedeesoje waadö aashichaatoje jääcä töweeja’caamöje yeichö, Wanaadi wwä awa’deuwödööcomo que, Jesuuquidiito nutuudu Epíiditu Santo ni’wa’tädö que mmaja.

1 TIIMOTEO 5:1

Täuwe mma maneuwöicho’de inchoncomo; töwäätuuja mmaane yäätuujacooto, tumö yäätuujadö töweiye naichöje. Ñanno ääjömannamo adhaacontomo nönge tödööcoto.

1 TIIMOTEO 5:19

Ansiyaano ecammajäätödö maneetai’che, aacä, aaduwaawä jeiñe mma ecammajä’nnamo yeiya’comjäcä mmaane.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

TIITO 1:5

Öwö männänne Quedeeta antadö ña cötaadawaajui acoichaneije, jata waadäi ansiyaano ewaacaneichomooje mmaja, manaanontäneedöje dea.

JIIDEMÓN 1:9

yaawääne’ wä’jummanä jäcäinchädä täcamma’jo mmaane maneecamma’ja, öwö Paudo, inchomo’cä, Jesuuquidiito jäcäinchädä jedeesojaato.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

2 JUAN 1:1

Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.