1 PEEDHODO 4:9 - Wanaadi A'deddu

⁹ Adhaaquiñuuducoomoje yeiyancädä’da soto adhe’sacaiñe ewa’tojootäcä, ewanshinchätääcä’dede.

1 PEEDHODO 4:9 ပူးပေါင်းရင်းမြစ်များ

DOMAANO 12:13

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

2 CODINTIYO 9:7

Awaadäiñe u’jai maato äntö’tammecöödöcoomo woije, utu’se’da töweichö que’daane, anontaajäje’da mmaja. Wanaadi wacö’je ñäädä ta’cwaiñe töweiyancädä u’nei.

JIDIIPENSE 2:14

Tameedä tödöötäcä awenta’me’cancädäiñe’da, äwäätäuwancädäiñe’da mmaja.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

JIIDEMÓN 1:14

Yaawääne’ äwwä etaadö’jo’da yääje tödö’se’da wä’jaaquene, owoije’da mma aashichaato männö’no jääcä, owoijeene mödöiye.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.

EEWEDEO 13:2

Adhe’sacaiñe aneewa’tojo’da’da eichäcä aneiñajancomo we’a’como, aneewashinchäiñe’da’da mmaja. Mädääje anejjacoomo soto aashichaato cönnöicho amoode jäcäiñe, Wanaadi amoodedööje yeichöcoomo towaanäcäiñe’da yeichaame.

SANTIYAACO 5:9

Jimmä, ajimmotoncomo änquimmajä’tä’daiñe eichäcä, conemjönööje mma mätä’täjooto’no. Ñäädä Wanaadi, Ämmencanei, amoinche’da nä’döi eduuwa, mönaatajo weiñä töweiye naichöje.