1 PEEDHODO 3:8 - Wanaadi A'deddu

⁸ Edääje mmaja wä’dö’se wa dea äwwäiñe: Tameedäädä äänönge ätö’tajä’täcä; wentumje äneetä eichäcä. Ä’jummatääcä, töweichacoono ijummadö töweiye naichöje. Ta’cwaiñeiñe eichäcä, o’jodhe chö’tajäätö’da mmaja.

1 PEEDHODO 3:8 ပူးပေါင်းရင်းမြစ်များ

MATEO 18:33

Amäädä mmaja wentumje eneejai awei’jödö na dea ñäädä aweichacoono, wentumje maneeneannöje mmaja amäädä;” quee cönä’döaacä.

DUUCA 10:33

Yääje mma yaawä Samaadiya ñano cöneejä yää ääma tai. Ñäädä edanta’jäcä wentumje cöneeneaacä.

DOSECHO 2:1

Yaawä Pentecoté anootoi’chädö wä’döa’jäcä, yäätä dea cönä’ja’to tameedä quedeiyentecoomo, tujuumä.

DOSECHO 27:3

Yää jenamma naadöje ñaa cönaajäi yaawä Sidhón ña. Ñäädä Juudiyu aashicha Paudo cönnöi. Töwö chäwwä cöneecammai ijimmä döiñaiñe iichotoojo, i’wa’tädö wetä chäwwäiñe.

DOSECHO 28:7

Yäätä amoinche’da cönä’jaacä audaajä, yää antadö de’woncomo cajiichaanai’chädööcomo naudädö, ñäädä Puupidiiyu tääto. Ñäädä tömmai chaca ñaa amonno’jone; aashicha ñaa döne. Chääjadä ñaa cönä’jaacä aaduwaawä anooto.

DOSECHO 4:32

Tameedä ñanno ecaanö’nnamo aata’deucwe töweiye cönä’ja’to, tooni chö’tajäätödööcomo cönä’ja’dea. Tönnödööcomo töjääcäjeene töwwoncomooje ane’tä’da cönä’ja’to; tameedäädotoojeene tönnöe cönä’ja’to.

DOMAANO 12:10

Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

DOMAANO 15:5

Ñäädä Wanaadi yäätäädä aweicho’como nu’a, äwä’wa’dätö’como mmaja. Töwö ä’wa’taato aata’deucwe aweichöcoomo wetä, Jesuuquidiito jadoncomo töweiye naichodööje deaane.

1 CODINTIYO 1:10

Jimmä, Cädhaajotoncomo Jesuuquidiito eetö joi mänwätuujaato; aata’deucwe eichäcä, äätu’de’tä’daane. Aashichaane eichäcä ääjäcä, yää dea ätö’tajäätödööcomo weiyancädä, yää dea adha’dedducoomoje tödööancädä mmaja.

1 CODINTIYO 12:26

Tooni adheejö jäcoono wäntunaanö’a’jäcä tameedä adheejö näntunaanö’a yaawä. Tööni adheejö jäcoono aashichaato oneeja’jäcä tameedä adheejö na’cwaincha yaawä.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 4:31

E’nomjatääcä tameedä wä’tu’de’tänä, tääde’cwade weiñä mmaja, wätäccujä’nä mmaja, töwäätöma’se weiñä mmaja, wata’de’tänä mmaja, tameedä anejja conemjönö mmaja.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

JIDIIPENSE 2:3

Änwanno mma awei’sheiñe aweiyancädäiñe’da eichäcä, o’jodhe awei’sheiñe aweiyancädäiñe’da mmaja. Edääjeene eichäcä: O’jodhe ätö’tajä’ancädäiñe’da ajimmotoncomo adhe’jodheiñe tödöötäcä.

JIDIIPENSE 3:16

Yää queejodöötäneedö woije mmaane cötö’tajä’täiye; yää woije queichäiye.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

EEWEDEO 13:1

Äwä’jummadööcomo mane’nomjatäi’che, quedeiyentecoomo töweiye naichodööje deaane.

SANTIYAACO 2:13

Ñäädä wentumje äneeneijönö wentumje’da mmaja nä’mencaja’de. Ñäädä wentumje eneenei mmaane tösaade’da eijai ña töwä’mencajoodawä.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

SANTIYAACO 5:11

¿Ta’cwaiñe jönca töwäntunamjödö shinchänei töne’tä cäänetääne? ¿Töneeta jönca maato Joowo aashicha tönshinchä yei’jödö? Yää ’jeje yei’jödö mmaja töneeta maato dea, yää Cajiichaana nödöödö chäwwä. Wentumje äneetä töweichö Cajiichaana cöneenejoi yaawä chäwwä, tumjunne töweichö mmaja.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:17

Tameedä soto aashicha tödöötäcä. Quedeiyentecoomo ijummatääcä. Wanaadi ñontätääcä. Aashicha acu’shänä tödöötäcä.

1 PEEDHODO 5:5

Chäänönge mmaja änwanno mudeeshi, adhe’jodha’como woijeiñe eichäcä. Tameedäädääne ootowoije eichäcä, o’jodhe ätö’tajä’ancädäiñe’da, Wanaadi töni’wa’tä yeijäcä ñäädä o’jodhe chö’tajä’jönö, o’jodhaato tö’tajäätödö jäcä mmaane nä’jädu’ta töwö.

2 PEEDHODO 1:7

Wanaadi woije weiñä jadä ’quene, töweichacoono jäcä ta’cwaiñe weiñä daja mejoodöjootäiyede; töweichacoono jäcä ta’cwaiñe weiñä jadä ’quene wä’jummanä daja.

1 JUAN 3:14

Cönwanno töwäämaamöje cöwei’jocoomo jonno töwäämaamöje’da cä’dötääne; yääje cöweichöcoomo cowaanäcäiñe na cöjimmotoncomo tumjumma cöweijäcäiñe. Ñäädä töweichacoono ämjummajöönö töwäämaamöjeedä na.