1 PEEDHODO 2:9 - Wanaadi A'deddu

⁹ Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 2:9 ပူးပေါင်းရင်းမြစ်များ

MATEO 4:16

ñanno tööjano’taca cönä’ja’todö, tawaanato joojato neneeaato’de. Ñanno töwä’ja’aamo jäcäiñe nawaana’de; quee Isaía cömmennäi.

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

DUUCA 1:79

Yää na’de ñanno tööjano’taca naatoodö weiyuuducoomoje, ñanno töwä’ja’aamo; täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 26:28

Yaawä Aaquidiipa cönä’döaacä Paudo wwä: —Eetä’cä’cä mmädä quedeiyenteje yöödödö meiya; quee cönä’döaacä.

DOMAANO 9:24

Töwö Wanaadi ca’dejjatääne judhíocoomo, judhíojöncomo mmaja.

1 CODINTIYO 3:17

Anejja wwä Wanaadi weichojo choone’ma’jäcä Wanaadi nennanö’ca’de ñäädä, tönoiñe yeijäcä Wanaadi weichojo, yää maatoodö.

EUJEESIYO 1:14

Ñäädä Epíiditu Santo na cöwwäiñe utuudu töweiyemö waajäntädööje; yää cöwwäiñe nä’tua’de tameedä tösootoi ewaanacaadöcoomo jäcä Wanaadi wä’ca’jäcä. Yääje yeijäcä mädä jäcäinchädä aashicha Wanaadi weichö ya’deme’jai caato.

EUJEESIYO 1:6

Yääje yeijäcä aashicha ca’deuto’ñojo Wanaadi jäcä, joojato iiñödö’jödö jäcäinchädä; yää aashichaato cöjääcäiñe Wanaadi cönnöi Tönnedö tumjummadö jadä cöweichomjäcä.

EUJEESIYO 3:21

Quedeiyente jäcäinchädäiñe, Jesuuquidiito jäcäinchädä mmaja, Wanaadi aashicha wa’deutojooje na, yeichöödäje. Amén.

JIDIIPENSE 3:14

Nwaadädä dea wöta, chu’nä’taajä döiña tödööene, caju ñano aashichaato wichaana’caiye, yää chääjäcäinchädä Wanaadi tanoonöje cödöötäneedö, Jesuuquidiito sotoije cöweijäcäiñe.

CODOOSENSE 1:13

Töwö Wanaadi cäwaanacaatäne tööjato jäduudu jonno; töwö cödöötäne yaawä Tönnedö tumjummadö sotoije.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

APOOCADIISI 1:6

Töwö cajiichaanaja’comooje cödöötäne, Tumö Wanaadi wwä töwa’deuwaamoje mmaja. Töwö Jesuuquidiito na aashicha wa’deutojooje, cajiichaanaje mmaja, yeichöödäje. Amén.

APOOCADIISI 20:6

Ta’cwaiñe eijai ña ñäädä awa’deenato waadoncatoojo awoono weja’cadö; aashichaato ñäädä. Ñanno yääja’como yää ’jejaato wäämatoojo awä ääma’da naato’de. Wanaadi wwä töwa’deuwaamoje naato’de, Quidiito wwä töwa’deuwaamoje mmaja. Quidiito jadä cajiichaanaje naato’de 1,000 wedu.

APOOCADIISI 5:10

Cajiichaanaja’comooje ñaa mödööne, Wanaadi wwä töwa’deuwaamoje mmaja. Nono de’wä cajiichaanaje ñaa na’de; quee cöneecanta’ña’to.