1 PEEDHODO 2:7 - Wanaadi A'deddu

⁷ Änwanno ecaanö’nnamo wwäiñe tujunne töwö na. Ñanno aneecanö’jöncomo wwä mmaane töquiiñeme’que na, imennaajä nä’döaadöje: Yää täju, maa amännamo cönquiiñemeecöichodö, anno’tojooje na eduuwa; quee imennaajä nä’döa.

1 PEEDHODO 2:7 ပူးပေါင်းရင်းမြစ်များ

MATEO 21:42

Yaawä Jesuuquidiito cönä’döaacä chäwwäiñe: —¿Ana’de’tä’da ca meiya’quene Wanaadi a’deddu imennaajä? Edääje nä’döa: Yää täju, maa amännamo cönquiiñemeecöichodö, anno’tojooje na eduuwa. Cädhaajotoncomo mädääje cönnöi; aashicha cöwwäiñe chö’tadö na; quee imennaajä wä’dödö na.

DUUCA 2:32

Töwö na’de Wanaadi dhowaanojöncomo weiyuuducoomoje. Aashicha yeicho’como nu’a’de ñanno osootoi iisadaaediitacoomo wwäiñe; quee cönä’döaacä Simeón.

DUUCA 2:34

Yaawä Simeón Wanaadi wwä cöna’deuwöi chääjäcäiñe. Cönä’döaacä yaawä yeenö Madía wwä: —Edääje wä’dö’se wa äwwä: Määdhä mude’cä’cä na’de jooje iisadaaediitacoomo wejuccato’comooje; dhantai mmaane yaadoncato’comooje na’de. Töwö ta’dumi ñönge na’de; töwä’quiiñeme’jo mma nä’quiiñeme’ja’de.

DUUCA 20:17

Yaawä ene’mancädäiñe Jesuuquidiito cönä’döaacä chäwwäiñe: —¿Aaquene töwä’dö’se yeichö ca edä imennaajä, yääje yeiya’jäcä: Yää täju, maa amännamo cönquiiñemeecöichodö, anno’tojooje na eduuwa; quee yä’dödö naichö?

JUAN 4:42

Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

DOSECHO 26:19

“Yääje yeijäcä cajiichaana Aaquidiipa, yää caju ñano neene’jödö ännö’da’da weiyaqueene.

DOMAANO 10:21

Edääje mmaja iisadaaediitacoomo jäcä Wanaadi wa’deuwö’jödö Isaía cöneecammai chea: “Ano ñadäädä a’dejjadööcomooje wä’jaanä soto töjaanaquemjöncomo, woijemjöncomo mmaja;” quee.

DOMAANO 15:31

Wanaadi wwä adha’deutäcä Judheea ñancomo quedeiyentejöncomo wwä yeewontäiye. Chäwwä e’ca’täcä’dede quedeiyentecoomo Jeduusadén ñancomo aashicha tödöiyeto edä i’wa’toto’como yöiñaiñe wadääaadö.

2 CODINTIYO 2:16

Ñanno yännanö’a’como wwä yää jodö na wäämatoojoje; yääwanaaca’como wwä mmaane nudä weichojooje daja. ¿Änääcö mädä wa’coto tadaawaaju ännödööde’ ?

CODOOSENSE 2:10

Änwanno äwwäiñe chäänönge aweicho’como töweiye na Quidiito jadä aweichomjäcä. Töwö na tameedä jäduuja’como e’jodhe, cajiichaanacoomo e’jodhe mmaja, ñanno amoode.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

EEWEDEO 11:31

Ecamjödö que mmaja ñäädä masuudui Dajaawa ääma’da cöneiyacä ñanno conemjöncomo jadä, töwwä aashicha tödö’jödö weijäcä iisadaaediitacoomo, ñanno jata ene anonta’como.

EEWEDEO 4:11

Yääje yeijäcä cä’jädu’tätäiye cönwanno, yää wäädeetatoojo ejoodödö wetä, anejja mma cantawäiñe ecoone’ma’no, ñanno aneecanö’jöncomo’jödö cöneecone’maichodööje mmaja.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 PEEDHODO 2:4

Jesuuquidiito wwadäädä ä’täcä. Töwö na täju yeichöödoto töweiye naichöje. Sotoocomo cönquiiñemeecöicho, Wanaadi mmaane cönei, chäwwä tujunne na.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.