1 PEEDHODO 2:6 - Wanaadi A'deddu

⁶ Edääje imennaajä nä’döa: Siyon ña dhanwa wödööa, öwö neichö, öwwä tujunnato mmaja. Maa anno’tojo täju döaajä töweiye naichöje töwö na’de; ñäädä ecaanö’nei ämjöichojo’da wa’de; quee imennaajä nä’döa.

1 PEEDHODO 2:6 ပူးပေါင်းရင်းမြစ်များ

MATEO 12:18

Määdhä ñäädä yaanonö, öwö ne’tä’jödö. Umjummadö töwö; ta’cwaiñe wa chääjäcä. Epíiditu Santo ’je wödööa’de. Öwö ya’deddu necammajä’a’de Wanaadi dhowaanojöncomo wwä.

MAADOCO 12:10

“ ¿Ana’de’tä’da ca meiya’quene Wanaadi a’deddu imennaajä? Edääje nä’döa: Yää täju, maa amännamo cönquiiñemeecöichodö, anno’tojooje na eduuwa.

DUUCA 20:17

Yaawä ene’mancädäiñe Jesuuquidiito cönä’döaacä chäwwäiñe: —¿Aaquene töwä’dö’se yeichö ca edä imennaajä, yääje yeiya’jäcä: Yää täju, maa amännamo cönquiiñemeecöichodö, anno’tojooje na eduuwa; quee yä’dödö naichö?

DUUCA 23:35

Yäätä soto cönä’ja’to ene’madööje. Cajiichaanaja’como jadä’jödöödä cönenno’jä’a’to; cönä’döa’to: —Anejjacoomo töneewanaacaiñe cönä’jaacä; töwö dea nääwanaaca’ñojo eduuwa, Äwaanacaaneije Wanaadi nanontä’jödööje töweiya’jäcä; quee cönä’döa’to.

JUAN 7:38

Ñäädä yeecanö’nei do’tadö ai neja’ca’de weichojo tuna, Wanaadi a’deddu imennaajä wä’dödö nönge dea; quee cönä’döaacä.

DOSECHO 1:16

—Änwanno jimmä, jenaadä Epíiditu Santo woije Dawí cöna’deuwöi Juudha weichojo jäcä, ñäädä Jesuuquidiito ajäiñamo adääneichomo’jödö. Mädääje nä’döa Wanaadi a’deddu imennaajä jäcä. Yääje yeijäcä yää imennaajä wä’dödö nönge yeeja’do’tojo cönä’jaacä.

DOMAANO 10:11

Edääje Wanaadi a’deddu imennaajä nä’döa: “Ñäädä ecaanö’nei ämjöichojo’da wa’de;” quee.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

2 TIIMOTEO 3:16

Tameedä Wanaadi a’deddu imennaajä Wanaadi woije tömennä na. Yää aashicha na woowanoomatoojoje, wä’wätuujatoojoje mmaja, wä’sa’duminchatoojoje mmaja, aashicha weiñä jäcä wäämu’catoojoje mmaja,

1 PEEDHODO 2:4

Jesuuquidiito wwadäädä ä’täcä. Töwö na täju yeichöödoto töweiye naichöje. Sotoocomo cönquiiñemeecöicho, Wanaadi mmaane cönei, chäwwä tujunne na.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.

2 PEEDHODO 1:20

Odhoowanääcäiñe tödöötäcä Wanaadi a’deddu soto nichö’tammecöödö woije ätääcammajai’cha yeichö;

2 PEEDHODO 3:16

Mädääje dea töjaajedai tömmennä weneene töwö, mädä jäcä imennädö waadäi. Aneetaja äätaque’jönö immennä’jödö weneene. Ñanno towaanojo’nemjöncomo, jäduujemjöncomo mmaja, yää immennädö äätaque’jönö tönaashichuudäiñe weneeneto töwännanö’to’comooje mma, anejja Wanaadi a’deddu imennaajä tönnöe weneenetoodöje dea.