1 PEEDHODO 2:12 - Wanaadi A'deddu

¹² Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 PEEDHODO 2:12 ပူးပေါင်းရင်းမြစ်များ

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 5:11

“Ta’cwaiñe eijai maato änwanno soto wwäiñe adheetana’ta’comjäcä, amaamincha’comjäcä mmaja, jönaawä adheementa’comjäcä mmaja, sootoije aweichöcoomo jo’tädööje.

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DUUCA 1:68

Aashicha wa’deutojooje na töwö Wanaadi, iisadaaediitacoomo Edhaajotoncomo, tösootoi jäcä tötö’tajä’e yeijäcä, cäwaanaca’jocoomo weijäcä mmaja.

DUUCA 19:44

Tönwanno aja’ato’de tameedäädä. Tameedä ämmaichomo nemajjato’de, tooni täju töweichacoono de’wä ännämä’da tödööene, adöiñaiñe Wanaadi weejö’jödö aneene’jutu’da awei’jocoomo weijäcä; quee cönä’döaacä Jesuuquidiito.

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

JUAN 13:31

Yaawä Juudha weja’ca’jeje Jesuuquidiito cönä’döaacä: —Eduuwa näänea aashicha Soto nnedö weichö; aashicha Wanaadi weichö mmaja näänea dea Soto nnedö jäcä.

DOSECHO 15:14

Simón Peedhodo cöwwäiñe necammajäätöi awa’deene judhíojöncomo wentumje ene’jödö Wanaadi wwä, tösootoije töweiyaamoje ei’jocoomo mmaja chäwwä.

DOSECHO 24:13

Mädä öwö jääcä canno na’deuwaatoodö chäänöngemjönö mädä.

DOSECHO 25:7

Paudo wä’döa’jäcä ñanno judhío Jeduusadén ñancomo wä’döa’como cönaawodhentoicho yaawä. Tönwanno jooje Paudo cöneementa’to conemjönö jäcä; chäänöngato jaiñoone a’que cönä’jaacä dha’dedducoomo.

DOSECHO 28:22

Eta’se ñaa na äwäätunnäi. Tacaade ñaa wwä na tameedä yeichö wa’cä cone’da töwa’deuwe yeichöcoomo mädä eduuwaatoje weichojo jäcä; quee cönä’döa’to.

DOMAANO 12:17

Conemjönö que mmaja conemjönö maneemetaacamaatäi’che. Aashichaato tödöödö encano’tätääcä tameedä soto neneedöcoomoje.

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

DOMAANO 15:9

Töwö Quidiito cöneejä judhíojöncomo mmaja aashicha Wanaadi jäcä a’deuwöiyeto wentumje äneetä yeichö jäcä. Edääje Wanaadi a’deddu imennaajä nä’döa: Yääje yeijäcä aashicha äjääcä ya’deuwa’de soto antawäiñe; ojoi yeecanta’ña’de, awa’demeecödööje; quee imennaajä nädöa.

1 CODINTIYO 14:25

Chö’tajäätödö tacaademjönö tacaade nä’döa yaawä; töwö ta’mudhe ä’döjai ña yaawä Wanaadi wwadäädä, ya’demeecödööje. Edääje ä’döjai ña yaawä äjääcäiñe: “Wanaadi chämma ajaadäiñe na;” quee.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 13:7

Wanaadi wwä töwa’deuwe ñaa weneene conemjönö ännö’da aweichöcoomo wetä. Aashicha ñaa weichö ecaademe’jodö jäcäinchädä’da yääje Wanaadi wwä töwa’deuwe ñaa weneene, chäänönge aweichöcoomo wetä mmädääne, anejjacoomo wwä ñaa ementätaame.

2 CODINTIYO 8:21

Chäänönge töweichö ñaa nencano’ta, Cajiichaana Jesuuquidiito owaadäädä mma’da, soto owaadäädäiñe mmajaane.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

1 TEESADOONISENSE 4:12

Yaawä quedeiyentejöncomo aashicha chö’tajä’jai ñaato äjääcäiñe. Mädääje aweiya’comjäcä a’que’da’da äwwäiñe na’de.

1 TIIMOTEO 2:2

Acu’shänä jäcä mmaja Wanaadi wwä a’deujai ñaato dea, tameedä cajiichaanacoomo jäcä mmaja, täncanoode’da cöweichöcoomo wetä yaawä, ätäncano’tä’daane, aashicha cöweichöcoomo wetä mmaja, Wanaadi woije.

1 TIIMOTEO 4:12

Anejja wwä mä’quimmajoi’che mude’cäje aweijäcä; quedeiyente neneedöcoomoje chäänönge eichä awa’deuwödö jäcä, aweichö jäcä mmaja, wä’jummanä jäcä mmaja, ätö’tajäätödö jäcä mmaja, ecamjödö jäcä mmaja, aashichaato tödöödö jäcä mmaja.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

EEWEDEO 13:18

Wanaadi wwä adha’deutäcä ñaa joi; ñaa owaanäcä na chäänönge tötö’tajäätödö weichö. Chäänönge töwei’she ñaa weneene tameedä töweichö jäcä.

EEWEDEO 13:5

Jödaata jäcä äätätäädä’da eichäcä; äwwäiñe naadö mmaane ojoonaiñe nei’ñojo. Edääje Wanaadi wä’dö’jödö na: “Asancwa’da wa’de weichöje; adhe’nomja’da mmaja wa’dede;” quee.

SANTIYAACO 3:13

¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

1 PEEDHODO 2:15

Mädääje Wanaadi awei’sheiñe na, aashichaato tödöödö que Wanaadi dhowaanojöncomo meta’jöichajootäiye, aneene’jutu’jöncomo mmaja.

1 PEEDHODO 3:16

Conemjönö ’je’da ätö’tajäätödööcomo nei’ñojo, ñanno mijiichojootäiye, Quidiito jadä chäänönge aweichaameiñe jönaawä adheementännamo.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

2 PEEDHODO 3:11

Tameedä edä naadö töwaatameemöje mma na. Yääje yeijäcä aashichaane eichäcä, Wanaadi woijeene.