1 PEEDHODO 2:11 - Wanaadi A'deddu

¹¹ Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

1 PEEDHODO 2:11 ပူးပေါင်းရင်းမြစ်များ

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

EEWEDEO 11:13

Tameedä ñanno we’toichodö cönä’jajoicho ecamjödööje dea, Wanaadi necamma’jödö aneene’da töwei’jocoomo weichaame. Ecamjödö ’je töweichomjäcä amoinchenno mma yää Wanaadi necamma’jödö cöneene’ma’to, aashicha cöneeta’to dea. Ta’cwaiñe mmaja cönä’ja’to dea yää jäcäinchädä. Töjaataquemjöncomooje töwääcamma cönä’ja’to, a’dhe edä nono de’wä töweiyaamoje mma.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

SANTIYAACO 4:1

¿Ane’cäämö ewoonö’jödööje töwä’tu’de’tä määnetääne, töwäätäuwe mmaja? Ajuunucoomo woije tötö’tajä’e aweijäcäiñe mädääje määnetääne, yää ätö’tajäätödööcomo jadä töwä’tu’de’tä weneenedö.

2 TIIMOTEO 2:22

Yääje yeijäcä äänejeecä mude’cäje weiñä cone’nadi jonno. Chäänönge weiñääne encano’täcä, ecamjödö mmaja, wä’jummanä mmaja, täncanoode’da weiñä mmaja, ñanno aashicha tötö’tajäätödööcomo yeiyancädä Cajiichaana ecaanö’nnamo jadäiñe.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

DOMAANO 12:1

Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

DOSECHO 15:29

Chu’taajä wwä saaquidiijiisiyooje u’ajä mänäntäi’che; munu mmaja manaametäi’chede; awö’cajä mmaja mänäntäi’che; amaasuduichatäi’chede. Mädä tödööa’jäcä äwwäiñe aashicha maato’de. Mädääje mma töwä’dö’se ñaa nä’jaanä. Aashicha awei’sheiñe ñaa na; quee cömmennoicho ñanno anonta’como.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

1 PEEDHODO 1:17

Ñäädä Wanaadi äänöngeiñe soto tönemmenca weneene, iiñö’jocoomo woije mma. Yääje yeijäcä ñäädä Wanaadi oomotoncomooje e’ta’jäcä äwwäiñe, töwö ñontätääcä edä nono de’wä aweichöcoomo wadaadäädä.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

DOSECHO 15:20

Tömennä mmaane quiimennätäiye chäwwadäädäiñe chu’taajä namoi’chädö jäcä’da yeichöcoomo wetä, masuuduije’da yeichöcoomo wetä mmaja, awö’cajä, eta’jiiñä’caajä mmaja änäänä’da yeichöcoomo wetä mmaja, munu anaame’da yeichöcoomo wetä mmaja.

1 PEEDHODO 1:1

Öwö Peedhodo, Jesuuquidiito nanontädö, äwwadäädäiñe wimenna, änwanno yäämecanta’como, töjaatawoncomoojönö, änwanno Ponto ña maatodö, Cadaasiya ña mmaja, Caapadoosiya ña mmaja, Aasiya ña mmaja, Witiiniya ña mmaja.

EUJEESIYO 2:19

Yääje yeijäcä anejjacoomoje’da maato eduuwa, töjaataquemjöncomooje’da mmaja. Yää jataawoncomooje dea maato, tameedä Wanaadi sotoi naatoodöje mmaja; Wanaadi sotoi jimmäje maato eduuwa.

EEWEDEO 6:9

Yääje ñaa nä’döaadö’je äwwäiñe, änwanno jimmä umjummadö, yaawääne’ yääje’daane ätö’taato; yääwanaaca’como weichö nöngeene ätö’taato.

1 PEEDHODO 4:12

Jimmä umjummadö, cone’da ä’döjo’da eichäcä joojato conemjönö odhoonejaato’como äjääcäiñe yä’dödaawä; yääje töweiyaamoje’da aweiyaatäiñe mma määcanö’täi’che.

2 PEEDHODO 3:1

Jimmä umjummadö, edä aacädeeto jajeeda wimenna äwwadäädäiñe. A’nädä ömmennädö aca ätö’tajäätödööcomo wemjaca ätö’tamme’jodööcomo que.