1 PEEDHODO 2:1 - Wanaadi A'deddu

¹ Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

1 PEEDHODO 2:1 ပူးပေါင်းရင်းမြစ်များ

MATEO 15:7

Yääjönö wa’co’como wäänejoodö änwanno. Chäänönge yääje Isaía cömmennäi äjääcäiñe:

MATEO 23:28

Mädääje maato änwanno, soto wwäiñe äwäänedööcomo aashichaato wa’cä; odo’tadööcomo mmaane chäänönge’da na, ätö’tajäätödööcomo mmaja nossaje.

MATEO 24:51

Ñäädä chäädhajä nimaamincha’de yaawä jooje. Yääjönö wa’co’como wäänejoodö weichö’como aca nödööa’de. Iiña naamoa’de; jooje cone’da töwö na’de.

MATEO 7:5

Yääjönö wa’coto wäänejoodö amäädä. Äwämmamö’jödö adai’joto u’cacä awa’de, aashichaane meneiye yaawä aweichacoono wämmamö’jödö’cä u’cadö wetä.

MAADOCO 12:15

Jesuuquidiito dhowaanäcä cönä’jaacä yäätäncu’tädööcomo. Töwö cönä’döaacä chäwwäiñe: —¿Ane’cotoojo cuyuunacaato? Jödaata änne’täcä tooni, weneiye.

DUUCA 11:44

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno maato äwa äänejöönö töweiye naichöje, yää ye’cäcä soto töwäämannä’e töweiye naichodö, towaanäcäiñe’da yeiyancädä; quee cönä’döaacä Jesuuquidiito.

DUUCA 12:1

Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 6:42

¿Aaquene yääje mä’dödö deaade’ aweichacoono wwä: “Weichacoono, äwämmamö’jödö’cä wu’ca’ñojo;” quee, adai’jä yeichaame amäädä äwämmamö’jödö? Yääjönö wa’coto wäänejoodö amäädä. Äwämmamö’jödö adai’joto u’cacä awa’de, aashichaane meneiye yaawä aweichacoono wämmamö’jödö’cä u’cadö wetä.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

1 CODINTIYO 5:8

Yääje yeijäcä yää Weja’dätä’jä anootoi’chädö awä tönnöe cönä’ja’todö nönge mmaja cöödötäiye cönwanno aashicha cöweichöcoomo que, chäänönge cöweichöcoomo que mmaja. Yääje weiñä cu’tädööje na yää uu tummannä’cajoojönö. Yää ummannä’cajaajä mmaane conemjönö cu’tädööje na, chäänönge’da weiñä cu’tädööje mmaja. Yääje yeijäcä yääje cöweiyancädäiñe’daane Wanaadi nödöödö cöödöto’ñojo.

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

EUJEESIYO 4:31

E’nomjatääcä tameedä wä’tu’de’tänä, tääde’cwade weiñä mmaja, wätäccujä’nä mmaja, töwäätöma’se weiñä mmaja, wata’de’tänä mmaja, tameedä anejja conemjönö mmaja.

1 TEESADOONISENSE 2:3

Yää ñaa töneecammajä’e cönä’ja’dö äwwäiñe, ñaa wätäncu’tojo’jödööjönö cönä’jaacä. Conemjönö jäcä tötö’tajä’ancädä’da mmaja ñaa odhoowanoomatääne, adhencu’tädööcomooje’da mmaja.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 3:14

Caado’da aweiya’comjäcä mmaane, tö’neiñe aweiya’comjäcä mmaja, amäädä mma awei’she aweiya’jäcä mmaja, tösejjeca’comooje ätä’täjai’cha maato yaawä, äncu’tännamoojeene, chäänönge ännöjöncomooje mmaja.

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.

SANTIYAACO 4:5

¿Töwäädämma ca äwwäiñe nichö’taanä Wanaadi a’deddu imennaajä? Edääje nä’döa yää: “Ñäädä Epíiditu Santo, cödo’tacaiñe Wanaadi nijaata’täjo’jödö, jooje cujummaato, tö’neimmaane;” quee nä’döa Wanaadi a’deddu imennaajä.

SANTIYAACO 5:9

Jimmä, ajimmotoncomo änquimmajä’tä’daiñe eichäcä, conemjönööje mma mätä’täjooto’no. Ñäädä Wanaadi, Ämmencanei, amoinche’da nä’döi eduuwa, mönaatajo weiñä töweiye naichöje.

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.

1 PEEDHODO 2:22

Töwö Jesuuquidiito conemjönö ännö’da cöneiyacä, ätäncu’tä’da mmaja cöneiya’dea.

1 PEEDHODO 3:10

Edääje imennaajä nä’döa: Ñäädä aashicha töwei’shato, ta’cwaiñe töwei’shato mmaja, cone’da a’deuwö’da nei’ñojo, ätäncu’tä’da mmaja.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

1 PEEDHODO 4:4

Ñanno Wanaadi dhowaanojöncomo cone’da töwä’döjo weneeneto chääjadäiñe yää mänseedä dejaato conemjönö ännö’da aweichomjäcä eduuwa. Yääje yeijäcä cone’da äjääcäiñe töwa’deuwe weneeneto.

APOOCADIISI 14:5

Ätäncu’täjä’jöncomo tönwanno, conemjönö ’jemjöncomo mmaja Wanaadi owaadäädä, ñäädä mude de’wono.