1 PEEDHODO 1:8 - Wanaadi A'deddu

⁸ Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 PEEDHODO 1:8 ပူးပေါင်းရင်းမြစ်များ

MATEO 10:37

“Ñäädä öwö jummadö e’jodhe’cä tumö, senö ijummanei, sootoije eijai’cha na. Ñäädä öwö jummadö e’jodhe’cä tönnedö ijummanei, sootoije eijai’cha mmaja.

JUAN 14:15

“Äwwäiñe jumma’jäcä öwö waanontädö tödöötäcä.

JUAN 14:21

Ñäädä öwö waanontädö etaanei, tödöönei mmaja, ñäädä ñäädä jummanei ñeene. Jaaja nijumma’de ñäädä jummanei; öwö mmaja wijumma’dede, wääneja’de chäwwä; quee cönä’döaacä Jesuuquidiito.

JUAN 14:24

Ñäädä jummaneijönö mmaane ya’deddu woije ännö’da töweiye nai. Yää neecammajäätödö töneeta määnetäänedö öwö ya’deddujöönö yää, Jaaja a’dedduune, ñäädä yaanontänei’jödö.

JUAN 16:22

Mädääje mmaja änwanno, eduuwa mma wentumje maato. Öwö maneeneaato’dede äcuude; yaawä ta’cwaiñe maato’de. Anejja adhenwajiiñajaiñe’da na’de yaawä adha’cwaniiyöcoomo que.

JUAN 20:29

Jesuuquidiito cönä’döaacä chäwwä: —Amäädä Tomá, äwwä yeene’jödö weijäcä mecaanö’a. Ta’cwaiñe jeene eijai ñaato ñanno yeenedö’jo’da ecaanö’nnamo; quee cönä’döaacä Jesuuquidiito.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

DOSECHO 16:34

Yää ’jeje töwö Paudo cönaadoicho tä’saca ewanshinchädööcomo wetä. Töwö ta’cwaiñe cönä’jaacä, yä’jimmä’tädö mmaja, Wanaadi ecamjödö weijäcä töwwäiñe.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

1 CODINTIYO 16:22

Anejja Cajiichaana Jesuuquidiito ämjumma’da yeiya’jäcä töwännanö’e na ñäädä. Ä’cäde’de amäädä Cajiichaana Jesuuquidiito.

2 CODINTIYO 1:22

Töwö Wanaadi cömaadaca’ñätääne; cöwwäiñe cuntui Epíiditu Santo, yää cöwwäiñe töweiyemö utuudu waajäntädööje.

2 CODINTIYO 4:18

Täneetojöönö ñaa nencano’ta, äänejöönööne. Tameedä täneeto a’dhatooje mma töweiye nai; äänejöönö mmaane yeichöödotooje.

2 CODINTIYO 5:7

Cönwanno ecamjödö que caato, eneedö que’daane.

2 CODINTIYO 9:15

Aashicha wa’deutojooje Wanaadi ña, cöwwäiñe ecammatoojo ’jemjönö inchudu naadö jäcäinchädä.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

JIDIIPENSE 1:25

Yääje yeijäcä nudä weichojo yoowanääcä na, ajaadäiñe weichö wetä, quedeiyenteje aweichöcoomo jäcä ä’wa’täneichomooje, aneecamjödööcomo jäcä ta’cwaiñe aweichöcoomo wetä mmaja.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

JIDIIPENSE 4:4

Cajiichaana nutuudu que ta’cwaiñe eichäcä yeichöje. Yääje mmaja wä’döa dea, ta’cwaiñe eichäcä.

EEWEDEO 11:1

¿Aaquene töwä’dö’se yeichö mädä ecamjödö ’je weiñä quee ’ja? Ecamjödö yää töwoomo’quemö töwwä yä’tutoojo towaanäcä weiñä, äänejöönö ene’ju’tojo mmaja.

EEWEDEO 11:27

Ecamjödö que mmaja Moisé cöntämä Ejiito ñanno, yää nonoodö cajiichaanai’chädö wäätömaadö onnontä’da. Yäätäädä Moisé cönä’jädu’taacä, Wanaadi töwäänemjönö töwwä ene’dawooto wa’cä.

1 PEEDHODO 1:6

Yääje yeijäcä ta’cwaiñe eijai maato, a’dhe aneejejaiñeñe’jödöödä äwäntunaanö’taameiñe.

1 PEEDHODO 2:7

Änwanno ecaanö’nnamo wwäiñe tujunne töwö na. Ñanno aneecanö’jöncomo wwä mmaane töquiiñeme’que na, imennaajä nä’döaadöje: Yää täju, maa amännamo cönquiiñemeecöichodö, anno’tojooje na eduuwa; quee imennaajä nä’döa.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.