1 PEEDHODO 1:7 - Wanaadi A'deddu

⁷ Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

1 PEEDHODO 1:7 ပူးပေါင်းရင်းမြစ်များ

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MATEO 25:21

Chäädhajä cönä’döaacä yaawä: “Chäänönge na, amäädä yaanonö aashichaato, chäänöngato mmaja. Aashicha mödööne ataadawaajui she’coto’cä. Eduuwa ataadawaajui wecamma adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

MATEO 25:23

Chäädhajä cönä’döaacä yaawä: “Chäänönge na, amäädä yaanonö aashichaato, chaanöngato mmaja. Aashicha mödööne ataadawaajui she’coto’cä. Eduuwa ataadawaajui wecamma’de adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

DUUCA 12:33

Äwwäiñe naadö u’jä’täcä, chääje’jödö manu’täiye yaawä wentumja’como wwäiñe. Ajöödataichomo ewöötö ännötääcä ijumjäje töwä’döemjönööne. Caju ñanoone onsomaadöcoomoje i’jummatääcä, yää ataamejöönö. Iiña tämeenato omoomö’da, cödhaucwä änäu’cwa’da mmaja.

DUUCA 17:30

Mädääje mmaja na’dede yaawä Soto nnedö wäänejoodawä.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

DOSECHO 8:20

Yaawä Peedhodo cönä’döaacä chäwwä: —Ajöödatai nännanö’a’de ajaadä dea. Amäädä ätö’tajä’a täjeemaamö atäi mädä Wanaadi nutuudu.

DOMAANO 2:10

Tameedä chäänöngato tödönnamo mmaane aashicha töweichö’como neneeaato’de, aashichaato mmaja, täncanoode’da töweicho’como mmaja, judhío awa’de, judhíojöönö mmaja.

DOMAANO 2:29

Ñäädääne judhío neeneje na, tötö’tajäätödö aiño wäänejoodööne; tötö’tajäätödö jäcoono mmaja yää siicunsidaadoje weiñä chäänöngato. Yääje weiñä töweiye nai waanontänä imennaajä woije weiñä que’da, Epíiditu Santo ne’se’tädö woijeene. Ñäädä yääjato jäcä Wanaadi aashicha na’deuwa, sotoojönööne.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 8:19

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

1 CODINTIYO 3:13

Chääwaadäiñe chaadawaajuichomo’jödö nääne’ju’ja’da wätämmencajootojo anootoi’chädö awä. Wa’to nene’ju’ja’de; wa’to que toneeja na’de tameedä chaadawaajuichomo’jödö, aashicha yeichö eneedö, cone’da yeichö eneedö jeiñe mma.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

SANTIYAACO 1:12

Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

1 PEEDHODO 2:4

Jesuuquidiito wwadäädä ä’täcä. Töwö na täju yeichöödoto töweiye naichöje. Sotoocomo cönquiiñemeecöicho, Wanaadi mmaane cönei, chäwwä tujunne na.

1 PEEDHODO 2:7

Änwanno ecaanö’nnamo wwäiñe tujunne töwö na. Ñanno aneecanö’jöncomo wwä mmaane töquiiñeme’que na, imennaajä nä’döaadöje: Yää täju, maa amännamo cönquiiñemeecöichodö, anno’tojooje na eduuwa; quee imennaajä nä’döa.

1 PEEDHODO 4:12

Jimmä umjummadö, cone’da ä’döjo’da eichäcä joojato conemjönö odhoonejaato’como äjääcäiñe yä’dödaawä; yääje töweiyaamoje’da aweiyaatäiñe mma määcanö’täi’che.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

2 PEEDHODO 1:4

Yääje yeijäcä töwö Jesuuquidiito cuntui cöwwäiñe aashichaato ecammaajä, chäänöngato mmaja. Yää ecammaajä que änwanno Wanaadi weichö ejoodöjai maato, edä nono de’wono conemjönö jonno määnejeetäiye yaawä, yää chäänöngemjönö ijummadö que naadö.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.