1 PEEDHODO 1:3 - Wanaadi A'deddu

³ Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 PEEDHODO 1:3 ပူးပေါင်းရင်းမြစ်များ

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

DOMAANO 8:24

Cönwanno cääwanaacatääne yää womoocödö wetä. Yaawääne’ yää täneeto o’womoocö’da töweiye nai. ¿Änääcö ca täneeto tönwomo’que töweiye nai?

1 CODINTIYO 13:13

Mädääje na; aaduwaawä töwaatamemjönö töweiye na: ecamjödö, wo’womo’nä mmaja, wä’jummanä mmaja. Tameedä cho’jodha’como jaiñoone wä’jummanä.

1 CODINTIYO 15:20

Yääje’daane na; töwaadoncaane Quidiito cönaadoncai töwäämaajo jonno. Töwö ñäädä awa’deenato yä’ja’a’como antawonnoiñe waadoncaajä, ñanno töwaadoncaamoje naatoodö antawonnoiñe.

2 CODINTIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö na wentumje äneetä weiñä edhaajäje, wejäädu’tänä edhaajäje mmaja.

CAADATA 6:16

Täncanoode’da yeicho’como, wentumje Wanaadi wwä yääneto’como mmaja, yei’she wa tameedä edä waanontänä tödönnamo wwäiñe, tameedä Wanaadi sotoi ñeene wwäiñe mmaja.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

EUJEESIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 2:4

Yääje yeichaame töwö Wanaadi wentumje äneetä töweijäcä, jooje cujummatäiñe töweijäcä mmaja,

EUJEESIYO 3:20

Töwö Wanaadi töjäädudu cötaacaiñe naadö que tödööjai ña tameedä cöne’catäädöcoomo e’jodhe, cöntö’tammecöödöcoomo e’jodhe mmaja.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 4:13

Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

1 PEEDHODO 1:23

Änwanno töwennue maato eduuwatoje, soto weichö töwaatameemö que’da, Wanaadi a’deddu yeichöödäjaato queene, yää töwaatamemjönö.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,

1 PEEDHODO 3:15

Ätö’tajäätödööcomo jäcä cajiichaanaje Jesuuquidiito tödöötäcä. Adheecamma’jonnamo wwä ecammacoije eichäcä onwomoocödööcomo jäcä, tucuuna’se adha’dedducoomo tödööancädä, wo’nontänä que mmaja.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.

1 PEEDHODO 3:5

Mädääje mmaja jenaadä wodiiñamo aashicha’como Wanaadi ecaanö’nnamo töwennataama töweiye cönä’ja’to; töiñonootoncomo woije töweiye cönä’ja’to.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.

1 JUAN 3:9

Ñäädä Wanaadi nnedö conemjönö acaadä ei’cha na, Wanaadi weichö tötaaca yeijäcä. Töwö conemjönö acaadä eijai’cha na, Wanaadi nnedööje töweijäcä.

1 JUAN 4:7

Jimmä umjummadö, cä’jummatäiye cönwanno, Wanaadi dö’sennotoone yää wä’jummanä yeiyajä. Ñäädä wä’jummanä ’jano Wanaadi nnedö ñäädä, Wanaadi jadoono mmaja.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

1 JUAN 5:18

Cowaanäcäiñe na ñäädä Wanaadi jadoono conemjönö acaadä ei’cha yeichö, Wanaadi nnedö wwä tädai’chä yeijäcä, odo’sha wwä ajoojodö queiñe.

1 JUAN 5:4

Ñäädä Wanaadi nnedö chäänöngato ne’jodheincha edä nono de’wono. Cönwanno edä nono de’wono e’jodheinchajai caato cöneecamjödööcomo que.