1 PEEDHODO 1:2 - Wanaadi A'deddu

² Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 1:2 ပူးပေါင်းရင်းမြစ်များ

MATEO 24:22

Yää wäntunaanö’nä Wanaadi aneedennanö’jo’da yeiya’jäcä tameedä soto nataameaato’de yaawä. Töwö Wanaadi nedennanö’ja’de tösootoi jäcäinchächädäiñe, ñanno tönei’jödö jäcäinchädäiñe.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 24:31

Töwö tamoodedö nanontaato’de yaawä janau’cwa etöödö que tönei’jödö i’jummaiñe, tameedä yeichö wa’cä edä nono de’wä, caju o’wadö jona tödööene.

MAADOCO 13:20

Yää wäntunaanö’nä Wanaadi aneedennanö’jo’da yeiya’jäcä tameedä soto nataameaato’de. Töwö Wanaadi nedennanö’ja’de tösootoi jäcäinchädäiñe, ñanno tönei’jödö jäcäinchädäiñe.

MAADOCO 13:22

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno ene’ju’tojo nödööaato’de, täneemö mmaja, Wanaadi sotoi jadä’jödöödä encu’täto’comoojato’jödö.

MAADOCO 13:27

Töwö tamoodedö nanontaato’de yaawä tönei’jödö i’jummaiñe, tameedä yeichö wa’cä edä nono de’wä, caju o’wadö jona tödööene.

DUUCA 18:7

¿Wanaadi ’ña? ¿Töneichö ani’wa’tä’daiñe eijai nichö’taanä, ñanno ano, coijai’jödöödä töwwä töwa’deuwe weneenetoodö? ¿Numa ca ani’wa’tä’daiñe eijai ñai?

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

DOMAANO 11:2

Ng’jn, Wanaadi tösootoi aneetöma’da naato, ñanno jenaadä töwwoncomooje cöne’toichodö. ¿Odhoowanääcäiñe jönca nai Edía wei’jödö jäcä Wanaadi a’deddu imennaajä ecammajäätödö, ñäädä Wanaadi wa’deuwödö ecammanei’jödö? Wanaadi wwä töwa’deuwödaawä töwö Edía cöna’deuwöi iisadaaediitacoomo jäcä.

DOMAANO 11:28

Aashichaato wätunnä tömjo’ma töweichomjäcä Wanaadi tu’de’tännamooje iisadaaediita naato, änwanno awaacömaadöcoomoje. Yääje yeichaame Wanaadi ijummadööcomooje dea na, dhadai’choncomo jäcäinchädäiñe, töjaadonooje ñanno tödö’jocoomo weijäcä töwwä.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 16:19

Chäänönge tönnöe aweichöcoomo tacaade na tameedä yeichö wa’cä; yääje yeijäcä ta’cwaiñe wa äjääcäiñe. Töweesomaajä’e aweichonse wa aashichaato tödöödö jäcä; conemjönö tödöödö jäcä mmaane odhoowoinchadäiñe aweichonse wa.

DOMAANO 16:26

Eduuwaane ñäädä Wanaadi yeichöödoto yää wätunnä cöneecadeeme’joi töwa’deuwödö ecammajä’nnamo nimenno’jocoomo ai. Yää cöneecadeeme’joi tameedä soto weichöcoomo wa’cä, tameedä ecamjöiyeto, Wanaadi woije eiyetoode yaawä.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

DOMAANO 8:33

¿Änääcö Wanaadi nei’jödö jäcäiñe cone’da a’deujai ñai? Wanaadi chea töjaadonooje cönnöicho,

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

2 CODINTIYO 10:5

Tameedä soto wätunnäichomo töne’jodheincha ñaa weneene, tameedä Wanaadi owaanäcä tödöödö emu’dänei mmaja. Tameedä tö’tajä’nä mmaja töncana’ca ñaa weneene dea, Quidiito woije yeichö wetä.

2 CODINTIYO 13:14

Cajiichaana Jesuuquidiito nutuudu aashichaato äwwäiñe yei’she wa, wä’jummanä Wanaadi nutuudu mmaja, Epíiditu Santo ni’wa’tädö mmaja. Amén.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

EEWEDEO 10:22

Yääje yeijäcä Wanaadi wwadäädä cöötätäiye chäänönge cötö’tajäätödööcomo yeiyancädä, chäänönge ecaanö’ancädä mmaja, conemjönö jonno cötö’tajäätödööcomo chocca’jödö weijäcä chäwwä, cäjööcomo chocca’jödö weijäcä mmaja tuna aashichaato que.

EEWEDEO 11:28

Ecamjödö que mmaja töwö Moisé cönnöi Weja’dätä’jä anootoi’chädö awä tödööemö. Munu que mönaatata cönencu’shiimajoi, wäämanä edhaajä canaadöje ääma’da yeichöcoomo wetä yaawä ñanno awa’de’como iisadaaediitacoomo nnacoomo.

EEWEDEO 12:24

Jesuuquidiito wwadäädä mmaja, ñäädä eduuwaato weiñä ecammaajä chäänönge tödöönei. Dhaquiiyö encu’shiimaajä wwadäädä mmaja me’täne dea, Aweede saaquidiijiisiyoi’chädö aquiiyö e’jodhaato.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

1 PEEDHODO 1:14

Mude’cä’cä tumö woijato töweiye naichöje eichäcä. Conemjönö ämjummadööcomo woije mma meichäi, jenaadä Wanaadi odhoowanääcäine’da yeichö töweiye mä’ja’quennöje’daane.

1 PEEDHODO 1:19

Quidiito aquiiyö aashichaato queene töwääwanaaca maato, oweeja nnedö’cä aashichaato yäätunui’chä’jödö ’jemjönö aquiiyö töweiye naichöjaato que.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

2 PEEDHODO 1:2

Aashichaato, täncanoode’da aweicho’como mmaja, äwwäiñe yeejamö’sa wa, Wanaadi odhoowanääcäiñe tödöödö que, Cädhaajotoncomo Jesuuquidiito odhoowanääcäiñe tödöödö que mmaja.

2 JUAN 1:1

Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.

2 JUAN 1:13

Ajiishö nnacoomo ta’deujocoomo nadääjaato äwwadäädä, ñäädä Wanaadi neichö. Amén.

JUUDHA 1:2

Wentumje Wanaadi wwä adheene’seiñe wa; wä’caaje’da mmaja äwwäiñe yeejamö’se wa dea täncanoode’da aweicho’como, wä’jummanä mmaja.