1 JUAN 5:20 - Wanaadi A'deddu

²⁰ Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

1 JUAN 5:20 ပူးပေါင်းရင်းမြစ်များ

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

DUUCA 24:45

Yaawä töwö cuntui shejjedööcomo Wanaadi a’deddu imennaajä dhowaanäcäiñe yä’dötoojo.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 14:9

Jesuuquidiito cönä’döaacä chäwwä: —¿Numa ajaadäiñe weichaame odhoowanääcä’da dea wanä, Jediipe? Ñäädä yeenenei, töneene mmaja Jaaja. ¿Aaquene yääje mä’döaanä: “Oomo enoojocä;” quee?

JUAN 15:4

Jaadäädä eichäcä, ajaadäiñeedä waadöje mmaja. Chääjö jonno dhajäädö waajäca’jäcä töwoije ejössataajai’cha töweiye nai. Yääje mmaja änwanno, jaadä’da aweiya’comjäcä aashicha aweichöcoomo ejaamö’da eijai ña yaawä.

JUAN 17:14

Öwö adha’deddu wecammane chäwwäiñe; yääje yeijäcä tönwanno töwä’quiiñeme’jo weneeneto edä nono de’woncomo wwä, edä nono de’woncomoojönööje töweichomjäcä, öwö waadöje mmaja, edä nono de’wonooje’da.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 20:28

Yaawä Tomá cönä’döaacä: —Yeedhajä amäädä, Waanadiiyö mmaja; quee.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

EUJEESIYO 3:18

Yaawä änwanno tameedä quedeiyente jädäiñe odhoowanääcäiñe eijai ña täjuujiñe yeichö Quidiito cujummatäiñe yeichö, nuwe yeichö mmaja, sö’je yeichö mmaja, cawä yeichö mmaja.

JIDIIPENSE 3:9

chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 1:8

Tönnedö jäcä mmaane edääje Wanaadi nä’döa: Yeichöje cajiichaanaje ma’de, amäädä Wanaadi. Chäänönge aweichö que cajiichaanaje ma.

1 JUAN 2:23

Ñäädä Iiñedö ijo’manei Cumöötoncomo ’je’da mmaja na dea. Ñäädä Iiñedö ecammanei mmaane Cumöötoncomo ’je na dea.

1 JUAN 2:24

Yääje yeijäcä ataacaiñeedä shoomatääcä yää yaajäntä’jödö jonnoto’jödöödä aneeta’jocoomo. Yää yaajäntä’jödö jonnoto’jödöödä ataacaiñe dea yeiya’jäcä änwanno mmaja Iiñedö jadoonoje maato’de, Cumöötoncomo jadoonoje mmaja.

1 JUAN 2:6

Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 4:16

Cönwanno cowaanäcäiñe cönä’döi, queecanö’täne dea cujummadööcomo Wanaadi wwä. Wanaadi ñäädä wä’jummanä edhaajä. Ñäädä wä’jummanä ’jano Wanaadi jadoono ñäädä, Wanaadi chaaca na dea töwö.

1 JUAN 4:2

Edääje ene’ju’jai maato Epíiditu Santo woijato ecammajäätödö: Ñäädä Jesuuquidiito Äwaanacaaneije yeichö ecammanei, sotooje yeejö’jödö ecammanei mmaja, Wanaadi dö’sennoto Epíiditu Santo ’jano ñäädä.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

1 JUAN 5:15

Cöwa’deuwödööcomo töneeta yeichö cowaanäcäiñe yeijäcä, cowaanäcäiñe mmaja na dea cöne’catäädöcoomo tunu’e yeichö.

1 JUAN 5:18

Cowaanäcäiñe na ñäädä Wanaadi jadoono conemjönö acaadä ei’cha yeichö, Wanaadi nnedö wwä tädai’chä yeijäcä, odo’sha wwä ajoojodö queiñe.

1 JUAN 5:5

Ñäädä mma edä nono de’wono e’jodheinchajai ña, Jesuuquidiito Wanaadi nnedööje yeichö ecaanö’nei mma.

APOOCADIISI 15:3

Tönwanno cöneecanta’ña’to Oweeja nnedö’cä wecanta’ñotoojo jäcä, Moisé wecanta’ñotoojo jäcä mmaja, ñäädä Wanaadi anoonö. Edääje cöneecanta’ña’to: Adai’joto tönnöe määnene, tönoiñato mmaja, amäädä Cajiichaana Wanaadi jäduujato. Chäänönge töweiye määnene amäädä, aashicha mmaja, amäädä soto cajiichaanaichomo.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.

APOOCADIISI 6:10

Tönwanno töcä’de cöna’deuwa’to; cönä’döa’to: —¿Ächännauwä’coto mädä, amäädä Cajiichaana aashichaato, chäänöngato mmaja, ñaa jo’tä’da manä nono de’woncomo jäcäiñe, ñaa jajo’jödö jäcä? quee cönä’döa’to.