1 JUAN 5:14 - Wanaadi A'deddu

¹⁴ Cönwanno queecanö’ato chäänönge Wanaadi weichö. Töwö yoije ane’cä’cä chäwwä e’ca’a’jäcä cöwwäiñe, töwö töneeta yaawä.

1 JUAN 5:14 ပူးပေါင်းရင်းမြစ်များ

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

JUAN 11:42

Öwö yoowanääcä na wa’deuwödö töneeta aweichö. Canno eetä naatoodö netaadöcoomoje ya’deuwa äwwä, tönwanno ecamjöiyeto yaanontänei’jödööje aweichö; quee cönä’döaacä Jesuuquidiito.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 15:7

“Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

JUAN 16:24

Eduuwa naadö jona tödööene öwö yeetö joi ane’catä’da maato. Eduuwaane öwö yeetö joi ane’ca’täcä’de, chääwa’cä adha’cwaniiyöcoomo weichö wetä.

JUAN 9:31

Cönwanno cowaanäcäiñe na Wanaadi aneeta’da yeichö conemjönö tödöönei a’deddu. Ñäädä a’deddu mmaane töneeta Wanaadi, tujummanei a’deddu, töwaanontä’jödö tödöönei a’deddu.

EUJEESIYO 3:12

Quidiito jadä cöweichomjäcä, töneecanö’e cöweichomjäcä mmaja, tösaade’da Wanaadi wwadäädä täjai caato.

EEWEDEO 10:35

Yääje yeijäcä aneecamjödööcomo mäncuna’matäi; yää aneecamjödööcomo eje’jödö adai’jä na’de.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

SANTIYAACO 4:3

Aneedawä äwwäiñe e’ca’taame ä’tu’da dea weneene, chäänönge’da töne’ca’e aweijäcäiñe; ajuunucoomo nijummadö woije tödöödö wetä yää töne’ca’e määnetääne.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.