1 JUAN 4:7 - Wanaadi A'deddu

⁷ Jimmä umjummadö, cä’jummatäiye cönwanno, Wanaadi dö’sennotoone yää wä’jummanä yeiyajä. Ñäädä wä’jummanä ’jano Wanaadi nnedö ñäädä, Wanaadi jadoono mmaja.

1 JUAN 4:7 ပူးပေါင်းရင်းမြစ်များ

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

1 CODINTIYO 8:3

Wanaadi ijumma’jäcä mmaane soto wwä, Wanaadi owaanäcä na ñäädä yaawä.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

CAADATA 4:9

Eduuwa mmaane Wanaadi odhoowanääcäiñe na, Wanaadi owaanäcä mmaja änwanno maato dea. Yääje yeichaame, ¿ane’que’nei yää weicho’jönö weiñä aca awennaca’seiñe maato dea, tödööto’jönö weiñä aca mmaja, yoije tödöödö que awaatashiichuudädööcomo wetä mmaja?

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

2 TIIMOTEO 1:7

Wanaadi cöwwäiñe cuntui tösaade cöweicho’comoojönö, jäduuje cöweicho’comoone, cöwä’jummato’como mmaja, tösejjeque cöweicho’como mmaja.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 JUAN 2:10

Ñäädä töweichacoono ijummanei mmaane tawaanato aca töweiye weneene; shaadijamjai’cha na töwö.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

1 JUAN 2:3

Wanaadi waanontä’jödö tödööa’jäcä cöwwäiñe cowaanäcäiñe eijai ña yaawä chääjadoonoje cöweichöcoomo.

1 JUAN 2:4

Ñäädä, “Wanaadi jadoono öwö,” queeto wä’dödö, ñaanontä’jödö ännö’da töweichaame, töwä’dunaato ñäädä; chäänöngato ’je’da na töwö.

1 JUAN 2:7

Jimmä, waanontänä wimenna äwwadäädäiñe, eduuwaatojöönö yeichaame, yaajäntä’jödö jonnoto’jödöödä odhoowanääcäiñe naadö deaane. Edä jenaado’jä waanontänä wecammaadö, yaajäntä’jödö jonnoto’jödöödä aneeta’jocoomo dea.

1 JUAN 3:9

Ñäädä Wanaadi nnedö conemjönö acaadä ei’cha na, Wanaadi weichö tötaaca yeijäcä. Töwö conemjönö acaadä eijai’cha na, Wanaadi nnedööje töweijäcä.

1 JUAN 4:11

Jimmä umjummadö, cönwanno mmaja ä’jummajai caato dea, mädä wa’cä cujummaatöcoomo’da Wanaadi wwä.

1 JUAN 4:12

Wanaadi eneenei ’je’da na soto. Yääje yeichaame cöwä’jumma’comjäcä töwö cötaacaiñe na. Mädääje chäänönge cä’döaato Wanaadi jummadö jäcä.

1 JUAN 4:16

Cönwanno cowaanäcäiñe cönä’döi, queecanö’täne dea cujummadööcomo Wanaadi wwä. Wanaadi ñäädä wä’jummanä edhaajä. Ñäädä wä’jummanä ’jano Wanaadi jadoono ñäädä, Wanaadi chaaca na dea töwö.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?

1 JUAN 4:8

Ñäädä wä’jummanä ’jemjönö Wanaadi jadoonojöönö ñäädä, wä’jummanä edhaajääne Wanaadi weiyajä.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

2 JUAN 1:5

Edääje wä’döa äwwä, amäädä jaaduichö: Cä’jummatäiye cönwannoje dea. Eduuwaato waanontänääjönö mädä äwwadäädä wimennaadö, yaajäntä’jödö jonnoto’jödöödä cöwwäiñe naadö deaane.