1 JUAN 4:17 - Wanaadi A'deddu

¹⁷ Mädääje chäänönge cä’döaato wä’jummanä jäcä, töjöiye’da cöweichöcoomo wetä yaawä wätämmencajootojo anootoi’chädö awä. Edä nono de’wä caatoodawä’jödöödä Jesuuquidiito nönge caato.

1 JUAN 4:17 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 11:22

Yääje wä’döa äwwäiñe, wätämmencajootojo anooto awä änwanno mäntunaanö’ato’de, Tiido ñancomo e’jodhe’cä, Sidhón ñancomo e’jodhe’cä mmaja.

MATEO 11:24

Yääje yeijäcä yääje wä’döa äwwäiñe, wätämmencajootojo anooto awä Sodhooma ñancomo e’jodhe’cä mäntunaanö’ato’de; quee cönä’döaacä Jesuuquidiito.

MATEO 12:36

Öwö yääje wä’döa äwwäiñe, wätämmencajootojo anooto awä tameedä soto nätääcamma’jajaato’de tameedä towoinchadäiñe töwa’deuwö’jocoomo jäcä.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

JUAN 17:22

Yää aashichaato öwwä mu’nedö chäwwäiñe wu’ne dea, tooni mma chö’tajäätödööcomo yeichö wetä, cöwö caadöje mmaja.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

EEWEDEO 9:27

Soto wäämatoojo ecammaajä na tooniye mma, yää ’jeje yäätämmencajootojo.

SANTIYAACO 2:13

Ñäädä wentumje äneeneijönö wentumje’da mmaja nä’mencaja’de. Ñäädä wentumje eneenei mmaane tösaade’da eijai ña töwä’mencajoodawä.

SANTIYAACO 2:22

Töwö Aawadán töneecamjödö cöneenejoi tönnödö que. Mädääje ñeecamjödö chäänönge cönä’döi, tönnödö jadä yoojodöödö que.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

1 JUAN 2:5

Ñäädä Wanaadi waanontä’jödö tödöönei mmaane chäänönge na Wanaadi jummadö jäcä. Mädääje ene’ju’jai caato Wanaadi jadoonoje cöweichöcoomo.

1 JUAN 2:6

Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.

1 JUAN 3:1

Chö’tamme’täcä’ma Cumöötoncomo Wanaadi wwä tujunne cöweichöcoomo, tönnacoomoje cä’taatoodö naane’. Iiñacoomoje dämma caato. Iiñacoomoje cöweichöcoomo aneene’jutu’da weneeneto edä nono de’woncomo, Wanaadi dhowaanäcäiñe’da yeichomjäcä.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.

1 JUAN 3:7

Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

1 JUAN 4:12

Wanaadi eneenei ’je’da na soto. Yääje yeichaame cöwä’jumma’comjäcä töwö cötaacaiñe na. Mädääje chäänönge cä’döaato Wanaadi jummadö jäcä.