1 JUAN 3:8 - Wanaadi A'deddu

⁸ Ñäädä conemjönö acaadä töweiyato mmaane odo’sha sotoi ñäädä, conemjönö tödööneiñe odo’sha yeiyajä yaajäntä’jödö jonnoto’jödöödä. Yääjatooje Wanaadi nnedö cöneejä, odo’sha nödöödö emaaneije.

1 JUAN 3:8 ပူးပေါင်းရင်းမြစ်များ

MATEO 12:28

Öwö mmaane odo’sha tömja’canö’jo wäänene ñäädä Wanaadi dö’sennoto Epíiditu Santo jäduudu que. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeichö.

MATEO 13:38

Yää audaajä edä nonoodö cu’tädö. Yää aashichaato dhadöödö ñanno Wanaadi töcaajichaanaije tödönnamo cu’tädö. Chuu mmaane ñanno odo’sha sotoi cu’tädö.

MATEO 4:3

Yaawä chäwwadäädä cöneejä odo’sha, yuunaca; cönä’döaacä chäwwä: —Wanaadi nnedö neeneje aweiya’jäcä, uuje amoode’näcä edä täju; que cönä’döaacä odo’sha.

MAADOCO 1:24

—¿Ane’cotoojo ñaa aquiima’se mannea, Jesuuquidiito, Naasade ñano? ¿Ñaa acoichajo ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

DUUCA 10:18

Jesuuquidiito cönä’döaacä chäwwäiñe: —Weneeaqueene Caajuushawa wejuccadö caju ñanno, yäncucuudu nönge.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 16:11

Odo’sha chaana’ca’jödö yää Wanaadi töne’jodheincha yeichö eneejotoojo.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOMAANO 16:20

Wanaadi ñäädä täncanoode’da weiñä edhaajä. Eduuwaiche mma töwö Caajuushawa odho’cäiñe nemajja’de. Cädhaajotoncomo Jesuuquidiito nutuudu aashichaato äwwäiñe yei’she wa.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

CODOOSENSE 2:15

Cuduusa jäcä töwäämadö que Quidiito cömjäduucaicho tameedä jäduuja’como, cajiichaanacoomo mmaja, ñanno odo’shancomo. Tameedä täneemöje töwö cöne’jodheinchaicho.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

EEWEDEO 9:26

Yääje ei’jo mmaane weiñäje Jesuuquidiito äämadö cöneiyacä edä nono tödö’jödö jonnoto’jödöödä. Dha’da cönäänejoichö naane’, tooniye mma eduuwa anooto ataamejai yä’döa’jäcä. Töwö cöneejä conemjönö choccadö wetä saaquidiijiisiyooje töwä’tudu que.

2 PEEDHODO 2:4

Conemjönö tödööa’jäcä Wanaadi amoodedö wwäiñe töwö Wanaadi aneewanaaca’daiñe cöneiyacä; wa’to nwaca cönenno’jaicho. Jedeesoje cönnöicho tööjano’taca, cadheena que tömööjä’e, yäätä töwäätä’maminchajooto’como cu’nädö womoocödö wetä.

1 JUAN 1:2

Ñäädä Weichojo edhaajä cönäänejoi; ñaa cöneeneaacä. Yääje yeijäcä ñaa necammajä’e äwwäiñe Weichojo töwaatamemjönö edhaajä jäcä. Töwö cönä’jaacä Cumöötoncomo jadä; ñaa wwä cönäänejoi yaawä.

1 JUAN 3:10

Mädääje täne’ju’dhe naato Wanaadi nnacoomo, odo’sha nnacoomo mmaja. Ñäädä chäänöngato tödööneijönö, töweichacoono ämjummajöönö, Wanaadi nnedööjönö ñäädä.

1 JUAN 3:5

Änwanno odhoowanääcäiñe na cöcoone’nadiiyöcoomo jonno cöcoccaiñe Jesuuquidiito weejö’jödö. Töwö mmaane conemjönö ’je’da na.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

JUUDHA 1:6

Ñanno Wanaadi amoodedö töweicho’como cho’nanoojöncomo’jödö töjaatadööcomo caju ñano cöne’nomjaicho. Eduuwa tönwanno Wanaadi woije dea tööjano’taca jedeesoje naato, yeichöje, cadheena que tömööjä’eiñe, wätä’maminchajootojo anootoi’chädö aca tödööene.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.