1 JUAN 3:24 - Wanaadi A'deddu

²⁴ Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.

1 JUAN 3:24 ပူးပေါင်းရင်းမြစ်များ

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

2 CODINTIYO 6:16

¿Aaquene mmaja Wanaadi weichojo oojodöödö deeade’ chu’taajä acä? Änwanno Wanaadi nudooto weichojooje maato. Töwö Wanaadi chea cönä’döaacä: Öwö yo’tacaiñe wa’de; chääjadäiñe wäämannä’a’de. Yaanadiiyöcoomoje wa’de; tönwanno naato’de sootoije; quee Wanaadi cönä’döaacä.

1 TEESADOONISENSE 4:8

Yääje yeijäcä ñäädä edä wä’wätuujanä chiiñeme’nei, soto a’deddujöönö nichiiñeme’ca, Wanaadi a’dedduune, ñäädä Epíiditu Santo u’nei’jödö cöwwäiñe.

2 TIIMOTEO 1:14

Tädai’chääne edai’chäcä yää äwwä Wanaadi nutuudu; Epíiditu Santo ni’wa’tädö que tödööcä, ñäädä cötaacaiñe naadö.

1 JUAN 2:24

Yääje yeijäcä ataacaiñeedä shoomatääcä yää yaajäntä’jödö jonnoto’jödöödä aneeta’jocoomo. Yää yaajäntä’jödö jonnoto’jödöödä ataacaiñe dea yeiya’jäcä änwanno mmaja Iiñedö jadoonoje maato’de, Cumöötoncomo jadoonoje mmaja.

1 JUAN 2:3

Wanaadi waanontä’jödö tödööa’jäcä cöwwäiñe cowaanäcäiñe eijai ña yaawä chääjadoonoje cöweichöcoomo.

1 JUAN 2:5

Ñäädä Wanaadi waanontä’jödö tödöönei mmaane chäänönge na Wanaadi jummadö jäcä. Mädääje ene’ju’jai caato Wanaadi jadoonoje cöweichöcoomo.

1 JUAN 2:6

Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.

1 JUAN 4:7

Jimmä umjummadö, cä’jummatäiye cönwanno, Wanaadi dö’sennotoone yää wä’jummanä yeiyajä. Ñäädä wä’jummanä ’jano Wanaadi nnedö ñäädä, Wanaadi jadoono mmaja.