1 JUAN 2:6 - Wanaadi A'deddu

⁶ Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.

1 JUAN 2:6 ပူးပေါင်းရင်းမြစ်များ

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

JUAN 13:15

Mädä äjääcäiñe wödöichö äwwäiñe tödööemö weneejoi, önnö’jödö nönge mmaja tödöödö wetä äwwäiñe.

JUAN 15:10

Öwö waanontädö tödööa’jäcä äwwäiñe umjummadööje dea eijai maato, Jaaja nijummadööje waadöje mmaja, ñaanontädö tönnöe weijäcä.

1 CODINTIYO 11:1

Yääje yeijäcä öwö nönge mmaja eichäcä, Jesuuquidiito nönge wääneneedöje mmaja.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

1 PEEDHODO 2:21

Mädääje töweiyaamoje Wanaadi adha’dejjatääne. Jesuuquidiito mmaja cönäntunamjöi chea äjääcäinchädäiñe, aneenedööcomooje töweiyemööje, töwö yei’jödö nönge mmaja aweichöcoomo wetä.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

1 JUAN 2:4

Ñäädä, “Wanaadi jadoono öwö,” queeto wä’dödö, ñaanontä’jödö ännö’da töweichaame, töwä’dunaato ñäädä; chäänöngato ’je’da na töwö.

1 JUAN 3:24

Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.

1 JUAN 3:6

Yääje yeijäcä, tameedä chääjadoono conemjönö acaadä ei’cha na. Ñäädä conemjönö acaadä töweiyato Jesuuquidiito aneenejöönö ñäädä, Jesuuquidiito jadoonojöönö mmaja.

1 JUAN 4:17

Mädääje chäänönge cä’döaato wä’jummanä jäcä, töjöiye’da cöweichöcoomo wetä yaawä wätämmencajootojo anootoi’chädö awä. Edä nono de’wä caatoodawä’jödöödä Jesuuquidiito nönge caato.