1 JUAN 2:29 - Wanaadi A'deddu

²⁹ Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

1 JUAN 2:29 ပူးပေါင်းရင်းမြစ်များ

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

DOSECHO 10:35

Töwö Wanaadi tameedä soto weichö tumjumma, tönoiñe täneea’jäcä, aashichaato tödööa’jäcä mmaja.

DOSECHO 22:14

Yaawä töwö cönä’döaacä öwwä: “Ñäädä cadai’choncomo Wanaadiyö jenaadä adhe’täne töwoije tödööneije aweichö wetä, ñäädä aashichaato eneedö wetä mmaja äwwä, dha’deddu etaadö wetä mmaja.

DOSECHO 3:14

Ñäädä aashichaato, chäänöngato mmaja, anu’cajo’da meiya’quene; soto emaanei’jödö mma mu’cajootäne.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

EEWEDEO 7:2

Ñäädä wwä Aawadán cuntui dhantai töweewänä’tädaawä töncana’ca’jödö. Edääje töwä’dö’se yeichö mädä Mequiisedeeque eetö: “Chäänönge weiñä edhaajä;” quee. Saden ñano cajiichaanai’chädööje töwö cönä’jaacä. “Täncanoode’da weiñä;” quee töwä’dö’se yeichö mädä “Saden” quee naadö. Yääje yeijäcä “Täncanoode’da weiñä edhaajä;” quee töwä’dö’se yeichö mmaja mädä Mequiisedeeque eetö.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

1 PEEDHODO 1:23

Änwanno töwennue maato eduuwatoje, soto weichö töwaatameemö que’da, Wanaadi a’deddu yeichöödäjaato queene, yää töwaatamemjönö.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

2 PEEDHODO 1:4

Yääje yeijäcä töwö Jesuuquidiito cuntui cöwwäiñe aashichaato ecammaajä, chäänöngato mmaja. Yää ecammaajä que änwanno Wanaadi weichö ejoodöjai maato, edä nono de’wono conemjönö jonno määnejeetäiye yaawä, yää chäänöngemjönö ijummadö que naadö.

1 JUAN 2:1

Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 3:5

Änwanno odhoowanääcäiñe na cöcoone’nadiiyöcoomo jonno cöcoccaiñe Jesuuquidiito weejö’jödö. Töwö mmaane conemjönö ’je’da na.

1 JUAN 3:7

Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

1 JUAN 4:7

Jimmä umjummadö, cä’jummatäiye cönwanno, Wanaadi dö’sennotoone yää wä’jummanä yeiyajä. Ñäädä wä’jummanä ’jano Wanaadi nnedö ñäädä, Wanaadi jadoono mmaja.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

1 JUAN 5:18

Cowaanäcäiñe na ñäädä Wanaadi jadoono conemjönö acaadä ei’cha yeichö, Wanaadi nnedö wwä tädai’chä yeijäcä, odo’sha wwä ajoojodö queiñe.

1 JUAN 5:4

Ñäädä Wanaadi nnedö chäänöngato ne’jodheincha edä nono de’wono. Cönwanno edä nono de’wono e’jodheinchajai caato cöneecamjödööcomo que.

3 JUAN 1:11

Weichacoono umjummadö, conemjönö tödöödö mma mäncu’jätöi, aashichaato tödöödö mmaane. Ñäädä aashichaato tödöönei, Wanaadi nnedö ñäädä; ñäädä conemjönö tödöönei mmaane Wanaadi aneene’da na ñäädä.