1 JUAN 2:24 - Wanaadi A'deddu

²⁴ Yääje yeijäcä ataacaiñeedä shoomatääcä yää yaajäntä’jödö jonnoto’jödöödä aneeta’jocoomo. Yää yaajäntä’jödö jonnoto’jödöödä ataacaiñe dea yeiya’jäcä änwanno mmaja Iiñedö jadoonoje maato’de, Cumöötoncomo jadoonoje mmaja.

1 JUAN 2:24 ပူးပေါင်းရင်းမြစ်များ

DUUCA 1:2

Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe.

DUUCA 9:44

—Tätaane etaatäcä edä ya’deuwaadö; ätö’taque’täi’che. Soto nnedö nä’tuja’de soto wwäiñe; quee cönä’döaacä.

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 15:7

“Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

JUAN 6:56

Ñäädä öwö jääcuinchato, yaaquiyö ennei mmaja, öwö yaaca na, öwö mmaja chaaca wa dea.

JUAN 8:25

Yaawä tönwanno cöneecamma’joicho: —¿Änääcöömä amäädä? quee cönä’döa’to. Jesuuquidiito cönä’döaacä chäwwäiñe: —Wääcammane deeade’ jenaadä.

JIDIIPENSE 4:15

Odhoowanääcäiñe na änwanno Jidiipo ñancomo, Maasedooniya ñanno wääma’tädaawä, aashichaato wätunnä ecammajäätödö waajäntädaawä, anejjacoomo quedeiyentecoomo ö’wa’tä’da yei’jocoomo. Änwanno mmaane cö’wa’tätääne Wanaadi nödöödö jäcä öwwä ä’wa’to’jocoomo emeetacaamadööje.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 2:7

Jimmä, waanontänä wimenna äwwadäädäiñe, eduuwaatojöönö yeichaame, yaajäntä’jödö jonnoto’jödöödä odhoowanääcäiñe naadö deaane. Edä jenaado’jä waanontänä wecammaadö, yaajäntä’jödö jonnoto’jödöödä aneeta’jocoomo dea.

1 JUAN 3:24

Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.

1 JUAN 4:13

Cöwwäiñe Epíiditu Santo utu’jödö weijäcä Wanaadi wwä, cönwanno cowaanäcäiñe na chääjadä cöweichöcoomo, töwö cötaacaiñe yeichö mmaja.

1 JUAN 4:15

Ñäädä Jesuuquidiito Wanaadi nnedööje yeichö ecammanei Wanaadi jadoono ñäädä, Wanaadi chaaca na dea töwö.

1 JUAN 4:16

Cönwanno cowaanäcäiñe cönä’döi, queecanö’täne dea cujummadööcomo Wanaadi wwä. Wanaadi ñäädä wä’jummanä edhaajä. Ñäädä wä’jummanä ’jano Wanaadi jadoono ñäädä, Wanaadi chaaca na dea töwö.

2 JUAN 1:2

Mämjummaato chäänöngato cöwwäiñe naadö woije, yää yeichöödäje cöwwäiñe naadö.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.

3 JUAN 1:3

Jooje ta’cwaiñe wä’jaaquene chäänönge aweichö eta’jäcä öwwä. Anejjacoomo quedeiyente döiña cöneiya’todö mädääje aweichö cöneecammajä’a’to öwwä. Chäänöngato wätunnä woije dämma määnene.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.

APOOCADIISI 3:3

Yääje yeijäcä ätö’tacä owoowanooma’jödö jäcä; yää tödööcä eduuwa; ätö’tajäätödö sha’duminchacä. Äädai’chä’da aweiya’jäcä adöiña wöta’de tämeenato wötäädö töweiye naichöje, ätö’tajäätödö ’nawä.