1 JUAN 2:20 - Wanaadi A'deddu

²⁰ Äwwäiñe mmaane Quidiito cuntui Epíiditu Santo; tameedä towaanojo’neiñe maato.

1 JUAN 2:20 ပူးပေါင်းရင်းမြစ်များ

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

MAADOCO 1:24

—¿Ane’cotoojo ñaa aquiima’se mannea, Jesuuquidiito, Naasade ñano? ¿Ñaa acoichajo ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

DUUCA 4:34

—Ñaa jäcä’daane eichä. ¿Ane’cotoojo ñaa aquiima’se mannea, amäädä Jesuuquidiito, Naasade ñano? ¿Ñaa acoicha ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 3:14

Ñäädä aashichaato, chäänöngato mmaja, anu’cajo’da meiya’quene; soto emaanei’jödö mma mu’cajootäne.

1 CODINTIYO 2:15

Ñäädä Epíiditu Santo ’jano mmaane tameedä töntö’tamme’que weneene, anejjacoomo äntö’tammecö’da yeichaame töwö yeichö.

EEWEDEO 1:9

Chäänönge weiñä awaacö’je na; chäänönge’da weiñä mmaane awaacö’je’da. Yääje yeijäcä Wanaadi, ñäädä Awaanadiiyöje naadö, ajimmä e’jodhe’cä adha’cwaniiyö cuntui; quee Wanaadi nä’döa Tönnedö jäcä.

EEWEDEO 8:11

Öwö jääcä töjimmotoncomo owaanomaadö tujunne’da na’de yaawä, töjaatawoncomo owaanomaadö mmaja. “Cajiichaana Wanaadi odhoowanääcä tödööcä,” quee ca’da naato’de töjimmotoncomo wwä. Tameedä soto owaanäcäiñe wa’de yaawä, täneejuquemjönö mmaja, täneejucaato mmaja.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

1 JUAN 4:13

Cöwwäiñe Epíiditu Santo utu’jödö weijäcä Wanaadi wwä, cönwanno cowaanäcäiñe na chääjadä cöweichöcoomo, töwö cötaacaiñe yeichö mmaja.

JUUDHA 1:5

Odhoowanääcäiñe yeichaame eduuwa mäntö’tamme’jaato dea. Ñäädä Wanaadi Ejiito ñanno Iisadaaediita ewaanaca’jocoomo weichaame äcuude cömjajoicho ñanno aneecanö’jöncomo’jödö.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.