1 JUAN 1:7 - Wanaadi A'deddu

⁷ Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 1:7 ပူးပေါင်းရင်းမြစ်များ

MATEO 6:12

Ñaa cone’nadiiyö encwanno’jocä, ñaa mmaja töjääcä conemjönö tödöödö tönencwanno’jo ñaa weneenedööje mmaja.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 5:4

Tucu’näque amoode töwä’tä töweiye cönä’jaacä caju ñanno yää chu’jä aca, tuna e’jimi’che. Yaawä ñäädä awa’deeto tuna wä’jimi’chödö acaano we’ducca’jödö töweeja’ca cönä’jaacä tadoiñe, cädäije’da.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 5:8

Jenaadä änwanno mä’ja’quene tööjano’taca; eduuwa mmaane tawaanato aca maato Cajiichaana jadä aweichöcoomo jäcäinchädä. Yääje yeijäcä tawaanato acancomo nönge deaane eichäcä.

1 TIIMOTEO 6:16

Ñäädä mma töwö yeichöödoto. Töwö yeichojo na tawaanato aca, wötooto’jönö ña. Wanaadi eneenei’jödö ’je’da na soto, äänejöönö töwö yeijäcä. Töwö na aashicha wa’deutojooje, yeichöödäje tameedä Cajiichaanaje mmaja. Amén.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

SANTIYAACO 1:17

Tameedä aashichaato u’ajä, tameedä chäänöngato u’ajä mmaja, caju ñanno ne’a, Wanaadi nutuudu woije, ñäädä tawaanato tödöönei’jödö. Chäänöngeedä töwö weneene, enwacaama’da.

1 PEEDHODO 1:19

Quidiito aquiiyö aashichaato queene töwääwanaaca maato, oweeja nnedö’cä aashichaato yäätunui’chä’jödö ’jemjönö aquiiyö töweiye naichöjaato que.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 1:5

Edä yää wätunnä Jesuuquidiito wwä ñaa neta’jödö; äwwäiñe ñaa necamma eduuwa: Wanaadi ñäädä tawaanato jaiñoone; tööjato ’je’da töwö.

1 JUAN 5:6

Ñäädä Jesuuquidiito weejödö cönääne’ju’joi tuna que, munu que mmaja. Tuna que mma’da Jesuuquidiito weejödö cönääne’ju’joi, dhaquiiyö que mmajaane. Epíiditu Santo dea yääje yeichö necamma; chäänöngato ñäädä Epíiditu Santo.

1 JUAN 5:8

Aaduwaawä mmaja na dea edä nono de’wä ecammannamo; Epíiditu Santo, tuna mmaja, dhaquiiyö mmaja. Yää aaduwaawä naadö äänönge ñeecammadö.

2 JUAN 1:4

Jooje ta’cwaiñe wä’jaaquene dhantai ännacoomo chäänöngato wätunnä woije yeichöcoomo edanta’comjäcä öwwä, Cumöötoncomo Wanaadi canontätäänedööje dea.

3 JUAN 1:4

Yää mma tameedä cho’jodhe ya’cwaimatä weneene, chäänöngato wätunnä woije önnacoomo weichöcoomo etaadö mma.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 7:14

Öwö wä’döaaquene yaawä: —Amäädä odhoowanääcä na; quee. Yaawä edääje cönä’döaacä töwö: —Ñanno canno yää wäntunaanö’nä tacaadato acancomo we’a’como. Tönwanno töwoomöcoomo tajääde’deiñe cöncoccaicho Oweeja nnedö’cä aquiiyö que.