1 CODINTIYO 9:21 - Wanaadi A'deddu

²¹ Ñanno Moisé nimennä’jödö waanontänä woijemjöncomo jadä weichö mmaane ñöngeiñe daja wäänene dea, tönwanno mmaja Quidiito sotoije chaana’cadööcomo wetä, Wanaadi waanontädö woije’da’da weichaame mmaja öwö, Quidiito waanontädö woije weichaame.

1 CODINTIYO 9:21 ပူးပေါင်းရင်းမြစ်များ

DOSECHO 15:28

Epíiditu Santo, ñaa mmaja, tödööque’jönö tödööjo’se’da ñaa na äwwäiñe. Edä mma tödööjo’se ñaa na äwwäiñe:

DOSECHO 16:4

Tameedä jata töötädööcomo waadäi quedeiyentecoomo wwä töneecammajä’e cönä’ja’to yää Jeduusadén ñancomo anonta’como necamma’jocoomo jäcä, ansiyaano necamma’jocoomo jäcä mmaja.

DOSECHO 21:25

Ñanno judhíojöncomo quedeiyentecoomo wwadäädäiñe mmaane ñaa cömmennäi yää chäwwäiñe tödööjojai’cha ñaa weichö jäcä; chu’taajä wwä u’ajä mmaane änämjo’da ñaa cöneiyacä chäwwäiñe, munu anaamejo’da mmaja, awö’cajä änämjo’da mmaja. “Amaasuduichatäi’che,” quee mmaja ñaa cömmennäi chea chäwwadäädäiñe; quee cönä’döa’to ñanno ansiyaano Paudo wwä.

DOMAANO 2:12

Ñanno jenaado’jä waanontänä towaanäcäiñe’da yeiyancädä conemjönö tödönnamo nännanö’aato’de yää waanontänä ’je’da yeichaame chäwwäiñe. Ñanno jenaado’jä waanontänä towaanäcäiñe yeiyancädä conemjönö tödönnamo mmaja nätämmencajaato’dede yää waanontänä imennaajä wä’dödö nönge.

DOMAANO 2:14

Ñanno judhíojöncomo, waanontänä ’jemjöncomo, aneedawä tönnöe weneeneto yää waanontänä imennaajä aca naadö. Tönwanno towoinchadäiñe töweichaameiñe waanontänä necammadö woije nödööaato, yää a’que yeichaame chäwwäiñe.

DOMAANO 7:22

Öwö tö’tajäätödö jaiñoone Wanaadi waanontädö waacö’je na;

DOMAANO 7:25

Wanaadi mma yeewanaacajai ña, Cädhaajotoncomo Jesuuquidiito ai. Yääje yeijäcä aashicha wa’deutojooje töwö Wanaadi ña. Mädääje na; tö’tajäätödö que Wanaadi waanontädö woije wäänene, juunu mmaane conemjönö anoonöje weneene.

DOMAANO 8:4

Töwö mädääje cönnöi waanontänä wä’dödö tödööjai cöweichöcoomo wetä. Cujuunucoomo woije’da caato eduuwa, Epíiditu Santo woijeene.

CAADATA 3:2

Edääje yeichö mma eta’se wa: ¿Ane’cäämö jäcäinchädä Wanaadi cuntui äwwäiñe Epíiditu Santo, jenaado’jä waanontänä tödöödö jäcäinchädä ’ja, Wanaadi a’deddu etaajä ecamjödö jäcäinchädääne?

CAADATA 6:2

Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

EEWEDEO 8:10

Edääje mmaja Cajiichaana nä’döa dea: Edääje na’de Iisadaaeeda weichö wwäiñe neecammadö yää cu’nädaawä. Öwö ya’deddu wödööa’de chö’tajäätödööcomo aca, chääwanööcomo jäcä wimenna’de. Yaawä Yaanadiiyöcoomoje wa’de, tönwanno sootoije naato’de.