1 CODINTIYO 9:19 - Wanaadi A'deddu

¹⁹ Soto anoonöcoomoje’da weichaame öwö woije dea dhanoonöcoomoje töwä’döjo wäänene, jooje’cä jeene Quidiito sotoije töweiyaamo chaana’cadööcomo wetä öwwä.

1 CODINTIYO 9:19 ပူးပေါင်းရင်းမြစ်များ

MATEO 18:15

“Äjääcä conemjönö tödööa’jäcä aweichacoono wwä, chäwwäädä adha’deucwä choone’nadiiyö jäcä, äjääcäjeeneiñe aweichawäiñe. Aashicha eta’jäcä chäwwä, ecoonecaajai maato yaawä dhacä.

DOMAANO 1:14

Öwwä tödööemö töweiye na sotooja’como jäcäiñe, sotoojemjöncomo jäcäiñe mmaja, towaanojo’na’como jäcäiñe, towoinchado’como jäcäiñe mmaja.

DOMAANO 11:14

Mädääje wäänene ñanno jimmä judhíocoomo i’ñeimmajoodöcoomo wetä äjääcäiñe, awei’yejeiñe mmaja yeichöcoomo wetä yaawä, dhantai ääwanaacaiyeto yaawä.

DOMAANO 15:2

Cöwaadäiñe cöjimmotoncomo weichö encano’täjai caato, aashicha yeichöcoomo wetä, yaatö’näjöödöcoomo wetä mmaja töneecamjödööcomo jäcä.

1 CODINTIYO 10:29

Amäädä chö’tajäätö’da aweichaame, töwööne chö’tajä’jai ña. Edääje chö’tajä’jai’cha maato: “ ¿Aaquene mmaja anejja tö’tajäätödö woije wääwashinchädö deaade’ ?

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 7:16

Edääje wä’dö’se wa äwwäiñe, änwanno quedeiyentecoomo: Amäädä wodi, ¿oiño quedeiyenteje’da naadö ewaanacaajai aweichö jäcä chö’tajäätö’da ca määnene? Amäädä mmaja dhanwa, ¿ajiiñamo quedeiyenteje’da naadö ewaanacaajai aweichö jäcä chö’tajäätö’da ca määnene?

1 CODINTIYO 9:1

Anontaajä dajaane öwö, tameedä anonta’como tönnöe weneenetoodö tödööjaicho mmaja, öwwä mmajaane Cädhaajotoncomo Jesuuquidiito eneetö’da. Änwanno mmaja maatoodö naane’ taadawaajui’jödö, yää Cajiichaana wwonooje tönnöe wääneneedö.

2 CODINTIYO 12:14

Aaduwaawädeeto mädä eduuwa adöiñaiñe wöta’dedö. Äwwäiñe ätäädai’chojo’da dea wa’de eduuwa. Änsomaadöcoomojöönööne wencano’ta, aweichöcoomoone. Inchoncomo tönnacoomo nsomaadö chaana’cannamooje töweiye naicho; mude’cä’cä mmaane tumö inshoma’täneije etaadawa’cajoojai’cha na.

2 CODINTIYO 4:15

Tameedä mädä äjääcäinchädäiñe na; yaawä Wanaadi nutuudu aashichaato jooje yeejanga’jäcä jooje mmaja naato’de Wanaadi wwä aashicha töwa’deuwaamo; aashicha wa’deutojooje Wanaadi na’de yaawä.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

1 PEEDHODO 3:1

Änwanno mmaja töiñoca’como, oiñonootoncomo woije eichäcä, anejja quedeiyenteje’da yeiya’jäcä ecamjöiye yaawä, töwaataquiimajoodö’jo’da, töjiiñamo weichö eneedö que mma,