1 CODINTIYO 8:6 - Wanaadi A'deddu

⁶ Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

1 CODINTIYO 8:6 ပူးပေါင်းရင်းမြစ်များ

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

JUAN 1:10

Ñäädä A’deu cönä’jaacä edä nono de’wä. Töwö dhai tameedä yeichö wa’cä tödö’jödö weichaame Wanaadi wwä, edä nono de’woncomo aneene’jutu’da cöneiya’to.

JUAN 1:3

Ñäädä ai Wanaadi cönnöi tameedä yeichö wa’cä. A’que na tödööajä iiñödööjönö.

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 13:13

Änwanno odhoowanoomaneichomooje cä’taato, adheedhajootoncomooje mmaja; chäänönge yääje äwä’dödööcomo, ñäädääne weiyajä.

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

DOSECHO 17:28

Töwö yoije cöweichöcoomo töweiye na, mädä nudä caatoodö; töwö yoije mmaja cä’jimi’chato dea. Änwanno äjimmotoncomo dea yääje cömmennäi: “Cönwanno Wanaadi jimmäje caato;” quee.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 5:31

Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

DOMAANO 11:36

Wanaadi jonnoto we’ajä mädä tameedä naadö. Töwö dea cönnöi; chäwwonooje na dea. Aashicha wa’deutojooje Wanaadi ña yeichöödäje. Amén.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 12:3

Yääje yeijäcä odhoowanääcäiñe yei’she wa Epíiditu Santo woije soto edääje ä’dö’da yeichö: “Jesuuquidiito conemjönö;” quee ä’döjai’cha. Ñäädä Cajiichaanaje Jesuuquidiito e’tänei mmaane Epíiditu Santo woije yääje nä’döa.

1 CODINTIYO 6:13

Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.

1 CODINTIYO 8:4

Yääje yeijäcä edääje wä’döa äwanshi chu’taajä wwä saaquidiijiisiyooje u’ajä jäcä: Cönwanno cowaanäcäiñe na ñeeneje’da yää chu’taajä weichö, tooni mma Wanaadi weijäcä.

EUJEESIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.

EUJEESIYO 3:14

Yääje yeijäcä Cädhaajotoncomo Jesuuquidiito umö wwadäädä tä’mudhe wä’döa, ya’demeecödööje.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.