1 CODINTIYO 6:9 - Wanaadi A'deddu

⁹ ¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

1 CODINTIYO 6:9 ပူးပေါင်းရင်းမြစ်များ

MATEO 19:29

Ñäädä öwö jääcäinchädä tömmai ñännei, tacontomo, tuduichomo jeiñe mma, töjaadui’chomo jeiñe mma, ñäädä tumö, senö ñännei jeiñe mma, töjiiñamo, tönnacoomo jeiñe mma, tönaudädö jeiñe mma, öwö jääcäinchädä yää ñänga’jäcä, ñäädä wwä yää nöngato mmaja nä’tua’de jooje’cä jeene; yeichö töwaatamemjönö mmaja Wanaadi nu’a’de chäwwä.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

DUUCA 21:8

Jesuuquidiito cönä’döaacä chäwwäiñe: —Odhoowoinchadäiñe’da eichäcä, mätäncu’tojooto’no. Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe; “Chu’nädö aca nä’döi eduuwa;” quee töwä’döancädäiñe mmaja. Dha’dedducoomo mma maneetatäi’che.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOMAANO 1:18

Töwö Wanaadi caju ñanno neneeja chäänöngemjöncomo jäcä cone’da töweichö, ñanno conemjöncomo, töcoone’nadiiyöcoomo que chäänöngato wätunnä etaatannä’cannamo.

1 CODINTIYO 15:33

Mätäncu’tojootäi’che; chäänönge yääje töwä’döe weneeneto; “Conemjönö acä ääweichacoonoje weiñä aashicha aweichö nichoone’ma;” quee.

1 CODINTIYO 15:50

Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

1 CODINTIYO 5:1

Adheecadööcomo töweecata weneene conemjönö adhantawäiñe töweiye yeichö, Wanaadi dhowaanojöncomo jadä’jödöödä tödööjaichojöönö, yää senööjaaja dö’tä weiñä.

1 CODINTIYO 5:10

Quedeiyentejöncomo masuuduija’como ecammancädäiñe’da yää wimennäne, ñanno anejja nödöödö i’ñeimmannamo, tämeena’como mmaja, chu’taajä ijummannamo mmaja. Ñanno ecammancädäiñe’da yääje wimennäne. Yääje yeichö jäcä yääje ya’deuwö’jo mmaane edä nono de’wä eijai’cha yaawä änwanno.

1 CODINTIYO 5:11

Edääjeene wa’dö’se wä’jaaquene yää wimennäneedö: Ñäädä quedeiyentejaato wätä’tädö jadä meichäi’che masuuduije yeiya’jäcä, anejja nödöödö töni’ñeimma yeiya’jäcä mmaja, chu’taajä tumjumma yeiya’jäcä mmaja, wätunnä dha’me yeiya’jäcä jeiñe mma, töwä’dau’cwato yeiya’jäcä jeiñe mma, tämeene jeiñe mma. Yääjato jadä wääwashinchänä’jödö jadäädä tödööemje’da na.

1 CODINTIYO 6:10

tämeenato mmaja, anejja nödöödö i’ñeimmanei mmaja, töwä’dau’cwato mmaja, wätunnä edhaajä mmaja, äncu’tänei mmaja; tameedä yääja’como Wanaadi jataacäi täjai’cha naato.

1 CODINTIYO 6:18

Äänejeetäcä masuuduije weiñä jonno. Tameedä anejja conemjönö soto tönnöe weneenetoodö täjööcomo jäcoonojöönö; masuuduichanä mmaane äjö jäcoono.

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

1 CODINTIYO 9:24

¿Yääje jönca töweiye nai wotoonejaanawä, tooni mma chaana’caneije, wanna yeichaameiñe töwootoneejaamo? Yääje yeijäcä chäänönge otoonejaatäcä, adheeje’jocoomo michaana’catäiye yaawä.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

CAADATA 6:7

Mätäncu’tojootäi änwanno, Wanaadi otonno’jojäätö’da na. Soto niñaatö’tädö yää dea neja’ca.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

EEWEDEO 12:16

Anejja mma adhantawäiñe imaasuduichai’che, Wanaadi onnontä’da mma ei’che, Esaú cönä’ja’döje. Töwö Esaú täwanshiñö jäcäinchädä mmädä tacoono wwä cöneecammai yää aashichaato töwwä töweiyemööjato’jödö. Yää aashichaato cönä’jaacä awa’deeto dhanwa wennuaajä wwä töweiyemö.

EEWEDEO 13:4

Tönoiñe jötaanä tödöötäcä. Masuuduije’da tö’dha’como nei’ña’to, töiñoca’como mmaja. Ñanno masuuduija’como nätä’maminchajaato’de Wanaadi wwä.

SANTIYAACO 1:16

Jimmä umjummadö, mätäncu’tojootäi’che.

1 JUAN 3:7

Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.