1 CODINTIYO 6:15 - Wanaadi A'deddu

¹⁵ ¿Odhoowanääcäiñe’da ca’ nai adheejöcoomo Jesuuquidiito ejö jäcoonoje yeichö? Yääje yeiya’jäcä ¿aashicha eijai ñai masuudui ejö jadä Jesuuquidiito ejö ejoodöjoodö? Ng’jn, aashicha’daane.

1 CODINTIYO 6:15 ပူးပေါင်းရင်းမြစ်များ

DUUCA 20:16

Töwö e’jai ña ñanno audaajä edai’chännamo töja’eiñe, anejjacoomo wwä audaajä edai’chojoodö wetä; quee cönä’döaacä Jesuuquidiito. Yää eta’jäcä töwwäiñe ñanno soto cönä’döa’to: —Mädääje Wanaadi ännö’daane yei’she; quee.

DOMAANO 12:5

Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.

DOMAANO 3:31

¿Yääje yeiya’jäcä ca ecamjödö jäcäinchädä jenaado’jä waanontänä quiichiiñeme’cato? Ng’jn, chiiñemeecödööjönö yeichaame, chäänönge mma tödöödö ecammadö mädä.

DOMAANO 3:6

Ng’jn, chäänönge’da’da yeichaame. Chäänönge’da Wanaadi weiya’jäcä soto emmencaneichomooje eijai’cha na yaawä.

DOMAANO 6:15

Cönwanno jenaado’jä waanontänä nanontädööcomooje’da caato eduuwa, Wanaadi nutuudu aashichaato woijeene. ¿Conemjönö tödöödöje dea ca eijai caato, yääje yeiya’jäcä? Ng’jn, yääje’daane.

DOMAANO 6:2

Ng’jn, mädääje’daane. Cönwanno conemjönö tödöödö jäcä yäämaajä nönge caato. Yääje yeijäcä ¿aaquene mmaja conemjönö tödöödöje dea queichädö deaade’ ?

DOMAANO 7:13

¿Aaquene aashicha Wanaadi waanontädö yeichaame adheemane dea, quee ’ja? Ng’jn, waanontänääjönööne yeemane, conemjönö tödöödööne. Mädääje conemjönö cönääne’ju’joi öwwä. Yää conemjönö aashichaato que yeemane. Mädääje yää waanontänä conemjönö cöneenejoi yaawä öwwä conemjönööje yeichö.

DOMAANO 7:7

¿Aaquene ä’döjai caato yääje yeiya’jäcä? ¿Conemjönö yää waanontänä, quee ’ja? Ng’jn, conemjönööjönööne. Waanontänä ’je’da ei’jo yoowanääcä’da conemjönö eichö. Anejja nödöödö i’ñeimmadö conemjönööje yeichö yoowanääcä’da eichö yääje waanontänä ä’dö’da ei’jo: “Anejja nödöödö mani’ñeimmai;” quee ä’dö’da ei’jo.

1 CODINTIYO 11:3

Odhoowanääcäiñe yei’she wa Quidiito dhanwa ju’jäje yeichö; dhanwa ’quene wodi ju’jäje; Wanaadi ’chene Quidiito ju’jäje.

1 CODINTIYO 12:27

Änwanno maato Quidiito ejööje; awaadäiñe chääjäcoonoje maato.

1 CODINTIYO 6:13

Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.

1 CODINTIYO 6:17

Ñäädä Cajiichaana Jesuuquidiito jadoono woojodöödö mmaane tooni chö’tajäätödööcomo na yaawä Jesuuquidiito acä.

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

1 CODINTIYO 6:3

¿Odhoowanääcäiñe’da ca’ nai amoode emmencannamooje töweiyaamoje cöweichöcoomo? Töwaacö’je mma edä nono de’wono choonecaajai caato.

CAADATA 2:17

Ñaa judhíocoomo Quidiito jäcäinchädä Wanaadi jadoonoje ñaa wä’döjoodawä conemjönö dönnamooje töweichö ñaa cönääcammai, judhíojöncomo naatoodöje mmaja. Yääje yeijäcä, ¿Quidiito ca conemjönö döjooneije nai ñaa wwä? Ng’jn, yääje’da yeichaame.

CAADATA 3:21

¿Yääje yeiya’jäcä ca jenaado’jä waanontänä Wanaadi necamma’jödö acä ääjuntaca nai? Ng’jn, ääjuntaca’da yeichaame. Weichojo ecammaneije waanontänä ä’tu’jo mmaane yaawääne Wanaadi jadoonoje wä’döjoonä eichö waanontänä tödöödö que.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 5:23

Dhanwa wodi ju’jäje na, Quidiito quedeiyentecoomo ju’jäje naadöje mmaja. Quidiito dea quedeiyentecoomo Ewaanacaaneichomooje na dea, ñanno chääjöje naatoodö.

EUJEESIYO 5:30

täjööje yeichomjäcä. Cönwanno ñanno chääjö jäcoono, ijuunuja’como, ye’jäja’como mmaja.

CODOOSENSE 2:19

Ñäädä yääjato Quidiito jadä’da na, ñäädä iju’jäje naadö. Töwö Quidiito chääjö ju’jäje töweijäcä tameedä chääjö natö’nä’ja ewanshinchädö que; töwö dea chääjö nejoodöja chu’nädööcomo ai, Wanaadi nijummadö woije.