1 CODINTIYO 5:11 - Wanaadi A'deddu

¹¹ Edääjeene wa’dö’se wä’jaaquene yää wimennäneedö: Ñäädä quedeiyentejaato wätä’tädö jadä meichäi’che masuuduije yeiya’jäcä, anejja nödöödö töni’ñeimma yeiya’jäcä mmaja, chu’taajä tumjumma yeiya’jäcä mmaja, wätunnä dha’me yeiya’jäcä jeiñe mma, töwä’dau’cwato yeiya’jäcä jeiñe mma, tämeene jeiñe mma. Yääjato jadä wääwashinchänä’jödö jadäädä tödööemje’da na.

1 CODINTIYO 5:11 ပူးပေါင်းရင်းမြစ်များ

MATEO 18:17

Ñanno a’deddu aneeta’da dea yeiya’jäcä mmaja, Wanaadi sotoi wwäiñe ecammatääcä’de yaawä. Ñanno a’deddu aneeta’da yeiya’jäcä mmaja, Wanaadi aneecanö’jönö nönge tödöötäcä’de yaawä, acu’shänä jödaatai i’jummanei nönge mmaja.

MATEO 23:25

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Ye’wä mma aashicha maato, incha’cäcä mma jadaaji atööajä töweiye naichöje, aweichöcoomo mmaane tämeeneiñe, chäänönge’da mmaja.

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOSECHO 9:17

Yääje mma yaawä Aananía cöntämä yaawä Saudo e’saca. Töwoomonga’jäcä tamäädö cönnöi Saudo de’wä; cönä’döaacä chäwwä: —Weichacoono Saudo, Cajiichaana Jesuuquidiito yaanontäi sadä adöiña, ñäädä ääma tai aweejödaawä äwwä cönäänejoichö. Töwö yaanontäi töneene äwä’dödö wetä, Epíiditu Santo jäduudu ’je äwä’dödö wetä mmaja; quee cönä’döaacä Aananía Saudo wwä.

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

1 CODINTIYO 10:14

Yääje yeijäcä jimmä umjummadö, e’nomjatääcä chu’taajä wwä tödöödö.

1 CODINTIYO 11:21

Yää Santa Seena tödöödawä o’womoocö’da määnetääne; tooni nshai töwaajäntä määnetääne. Anejja miyooato, anejja ’quene töwä’dau’cwene’jödöödä.

1 CODINTIYO 6:10

tämeenato mmaja, anejja nödöödö i’ñeimmanei mmaja, töwä’dau’cwato mmaja, wätunnä edhaajä mmaja, äncu’tänei mmaja; tameedä yääja’como Wanaadi jataacäi täjai’cha naato.

1 CODINTIYO 6:6

¿Aaquene mmaja töjimmä jäcä cone’da töweichawä quedeiyente anaadädö deaade’ quedeiyentejöncomo wwadäädäiñe mmädä, ñanno wwäiñe choonecaajodö wetä?

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

1 CODINTIYO 7:12

Anejjacoomo wwä öwö tö’tajäätödö wecamma, Cajiichaana waanontädööjönö yeichaame; äwäätuujadööcomooje mma yääje wä’döa. Aneecamjö’da quedeiyente jiñamo yeiya’jäcä, töjiiñamo wwä tujunne töweichaame ñäädä quedeiyente töjiiñamo e’nomjajai’cha na.

1 CODINTIYO 7:15

Quedeiyentejöönö e’nomjaneije yeiya’jäcä mmaane tödöötojo ’je’da na; tancanoode’da ñäädä quedeiyente eijai ña yaawä. Aashicha töweiyaamoje Wanaadi ca’dejjatääne, töwäätäuwaamoje’daane.

1 CODINTIYO 8:11

Mädääje towaanojo’ne aweichaame aweichacoono jäduujemjönö mishaadijannä’ca, ñäädä chääjäcäinchädä Quidiito cönäämaichö.

CAADATA 2:12

Jacoowo anoonö ä’dö’dadooto töwö Peedhodo töwääwashinchä cönä’jaacä judhíojöncomo jadäiñe. Jacoowo anoonö wä’döa’comjäcä mmaane Peedhodo cönääsecai yaawä ñanno judhíojöncomo jadäiñe töweichö jonno. Chääjadäiñe ääwashinchä’da töweiye cönä’jaacä yaawä, ñanno siicunsidaadoje tödööjonnamo nontädööcomooje.

EUJEESIYO 5:18

Ä’dacu’da eichäcä; yääje weiñä wecoone’manä nejoodöja. Epíiditu Santo jäduudu ’jeene eichäcä.

EUJEESIYO 5:5

Odhoowanääcäiñe na masuuduijato, conemjönö tödöönei mmaja, ane’cä’cä jäcä töwäätätäädooto mmaja, Quidiito jataacäi täjai’cha yeichö, Wanaadi jataacäi täjai’cha mmaja; yää ane’cä’cä ijummadö jäcä töwäätätäädä weiñä chu’taajä ijummadö wa’cä dea na.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

2 TEESADOONISENSE 3:14

Anejja wwä ñaa waanontä’jödö tödö’se’da yeiya’jäcä, edä jajeeda aca imennaajä naadö, odhoowadäädäiñe tödöötäcä ñäädä; chääjadä meichäi’che yaawä, töjöiye yeichö wetä töwö.

2 TEESADOONISENSE 3:6

Jimmä, edääje adhaanontä’seiñe ñaa na Cädhaajotoncomo Jesuuquidiito eetö joi: Ä’sancwatääcä quedeiyente töquiiñato jonno, ñäädä ñaa odhoowanoomatäänedö nönge eijönö.

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

2 JUAN 1:10

Adöiñaiñe anejja wöta’jäcä, edä wätunnä nönge’da ñeecammajäätödö yeiya’jäcä, manaamonno’jotäi’che ämmaichomo taca; ta’cwaiñe meichäi’che chääjäcä.

APOOCADIISI 2:14

Yääje yeichaame cone’daiche wa äjääcä. Iiña Peecamo ña töweiye na adhantawäiñe Wadan nowaanoma’jödö ecaanö’nnamo. Töwö Wadan Wadaaca tönoowanooma cönä’jaacä iisadaaediitacoomo shaadijannä’cadööcomo jäcä, chu’taajä wwä saaquidiijiisiyooje u’ajä tänäädö wetä yaawä chäwwäiñe, masuuduije yeichöcoomo wetä mmaja.

APOOCADIISI 2:20

Yääje yeichaame cone’daiche wa äjääcä. Amäädä ajaadä yeichö jonno anu’ca’da dea ma ñäädä wodi, Jeesaweeda, Wanaadi wa’deuwödö ecammajä’neijato wätä’tädö. Töwö Jeesaweeda öwö sootoi nencu’taato. Töwö nowaanomaato masuuduichanä jäcä, chu’taajä wwä saaquidiijiisiyooje u’ajä tänäädö jäcä mmaja.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.