1 CODINTIYO 4:17 - Wanaadi A'deddu

¹⁷ Yääje aweichöcoomo wetä Tiimoteo wanonta äwwadäädäiñe, ñäädä Jesuuquidiito jäcäinchädä önnedö umjummadö, quedeiyente chäänöngato mmaja. Töwö ätö’tamme’jaato’de Quidiito jadä quedeiyenteje weiñä jäcä, yää yoije wääneneedö, tameedä yeichö wa’cä tameedä quedeiyentecoomo tönoowanooma wääneneedö jäcä.

1 CODINTIYO 4:17 ပူးပေါင်းရင်းမြစ်များ

MATEO 24:45

“ ¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

MATEO 25:21

Chäädhajä cönä’döaacä yaawä: “Chäänönge na, amäädä yaanonö aashichaato, chäänöngato mmaja. Aashicha mödööne ataadawaajui she’coto’cä. Eduuwa ataadawaajui wecamma adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

MATEO 25:23

Chäädhajä cönä’döaacä yaawä: “Chäänönge na, amäädä yaanonö aashichaato, chaanöngato mmaja. Aashicha mödööne ataadawaajui she’coto’cä. Eduuwa ataadawaajui wecamma’de adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

1 CODINTIYO 11:16

Anejja mädä jäcä töwenta’mecö’se töweiya’jäcä towaanäcä nödö’ñojo anejjeja ännö’da ñaa weichö, tameedä quedeiyentecoomo jataadöcoomo waadäi.

1 CODINTIYO 11:2

Jimmä, äjääcäiñe ta’cwaiñe wäänene öwö jääcä tötö’tajä’e aweichomjäcä, chäänönge tönnöe aweichomjäcä mmaja äwwäiñe neecammajäätödö’jödö.

1 CODINTIYO 11:34

Anejja ämiije töweiya’jäcä tä’sacaane nääwashincho’ñojo, yää awe’jummadööcomo Wanaadi wwä äwäätä’maminchajooto’comooje mma ei’ño. Mädääje mma wä’dö’se wä’jaanä mädä jäcä. Yaawä adöiñaiñe ööta’jäcä anejja weiñä daja wisha’dumincha’de äwwäiñe.

1 CODINTIYO 14:33

Wewoodoichanä edhaajäjöönö ñäädä Wanaadi, acu’shämje weiñä edhaajääne. Tameedä quedeiyentecoomo wecanta’ñänä tönnöe weneenetoodöje dea

1 CODINTIYO 16:1

Edääje wä’dö’se wa jödaata quedeiyentecoomo i’wa’toto’como i’jummadö jäcä. Änwanno tödööjai maato Cadaasiya ñancomo quedeiyentecoomo wwä wödööjoneedöje mmaja.

1 CODINTIYO 16:10

Adöiñaiñe Tiimoteo wöta’jäcä aashicha tödöötäcä’de, täncanoode’da eiye ajaadäiñe, töwö Cajiichaana Jesuuquidiito tadaawaajui tödööneije yeijäcä, öwö waadöje mmaja.

1 CODINTIYO 4:14

Ajöichojooto’comooje’da mädä wimenna, äwäätuujato’comoojeene, önnacoomo umjummadööje aweijäcäiñe.

1 CODINTIYO 4:15

Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

1 CODINTIYO 4:2

Ñäädä anontaajä chäänönge eijai ña.

1 CODINTIYO 7:17

Änwanno eijai maato awaadäiñe aweicho’como Cajiichaana nutuudu woije, Wanaadi wwä adha’dejjadaawäiñe mä’ja’quennö nönge dea. Mädääje tameedä Quidiito sotoi tönoowanoomaiñe wääneneeto.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

2 CODINTIYO 8:18

Tiito jadä ñaa nenno’ja anejja quedeiyente mmaja, tameedä quedeiyentecoomo wwä tacaadato, chäänönge yeetadaawa’cajoodö weijäcä aashichaato wätunnä ecammajäätödö jäcä.

EUJEESIYO 6:21

Määdhä Tíiquico wanonta äwwadäädäiñe. Ñaa weichacoono tujuunato töwö, ñaa ’wa’tänei chäänöngato mmaja Cajiichaana tadaawaajui tödöödö jäcä. Töwö tameedä öwö weichö necammajä’a’de äwwäiñe, tameedä taadawaajui mmaja. Mädääjatooje dea määdhä Tíiquico adöiñaiñe wanonta, tameedä ñaa weichö odhoowanääcäiñe yeichö wetä, äjäädu’täneichomooje mmaja.

JIDIIPENSE 2:19

Cajiichaana Jesuuquidiito woije yeiya’jäcä, adöiñaiñe Tiimoteo anontä’se wa eduuwa mma, ta’cwaiñe weiye yaawä adheecadööcomo eta’jäcä öwwä.

JIDIIPENSE 2:22

Aashicha Tiimoteo weichö mmaane odhoowanääcäiñe na änwanno, mude’cä’cä tumö jadoono wetaadawa’cajoodö nönge jaadä yeetadaawa’cajo’jödö aashichaato wätunnä ecammajäätödö jäcä.

CODOOSENSE 1:7

Änwanno yää jäcä moowanoomajootäne Epaujada wwä, ñäädä ñaa nijummadö, ñaa wetaadawa’cajoodö weichacoono. Töwö ñaa ’wa’täneije na, Quidiito anoonö chäänöngatooje mmaja.

CODOOSENSE 4:9

Chääjadä nöta dea ajimmotoncomo Onéesimo. Quedeiyente chäänöngato töwö, tujunnato mmaja. Tönwanno necammajä’aato’de tameedä sadä weiñä jäcä.

1 TIIMOTEO 1:18

Amäädä önnedö Tiimoteo, edä waanontänä wimenna äwwadäädä, chäänönge adheewänä’täiye, ecamjödööje dea aweiyancädä, aashicha ätö’tajäätödö tödööancädä mmaja, jenaadä anejjacoomo quedeiyente Wanaadi woije aweichojo cöneecammajäätöichodööje dea.

1 TIIMOTEO 1:2

Äwwadäädä wimenna, amäädä Tiimoteo, önnedö neene, ecamjödö jäcäinchädä. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TIIMOTEO 1:2

Äwwadäädä wimenna amäädä Tiimoteo, önnedö umjummadö. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TIIMOTEO 2:2

Yää wannacoomo soto netaadöcoomoje neecammajäätödö metaaquennö que mmaja anejjacoomo chäänönga’como owaanomaacoto, tönwanno mmaja anejjacoomo owaanomaiyetoode yaawä.

2 TIIMOTEO 3:10

Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.

TIITO 1:5

Öwö männänne Quedeeta antadö ña cötaadawaajui acoichaneije, jata waadäi ansiyaano ewaacaneichomooje mmaja, manaanontäneedöje dea.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 2:13

Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.