1 CODINTIYO 4:15 - Wanaadi A'deddu

¹⁵ Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

1 CODINTIYO 4:15 ပူးပေါင်းရင်းမြစ်များ

DOMAANO 15:20

Öwö tönencano’tä wä’jaaquene aashichaato wätunnä ecammajäätödö Quidiito dhowaanojöncomo wwäiñeene, anejja najäntä’jödö de’wä mma taadawaajui wännö’no, quee öucwadööje.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

1 CODINTIYO 3:10

Wanaadi yaanontäneedöje dea dha’deddu awa’deene wecammajä’ne äwwäiñe, towaanojo’nato wwä maa amäädawä dha’täi awa’deene tönnöe töweiye naichöje. Anejja namääa eduuwa yää neecammajäätö’jödö de’wä. Towoinchadä’daane namo’ñojo ñäädä yää de’wä amäänei.

1 CODINTIYO 3:6

Öwö Wanaadi a’deddu wecammajä’ne awa’deene äwwäiñe, dhadöödö ñaatö’tädö töweiye naichöje; Apoodo ’quene töjöönei nönge cönä’jaacä; Wanaadi mmaane iiñejencaneije.

1 CODINTIYO 3:8

Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

1 CODINTIYO 9:12

Anejjacoomodä mädääje tönnöe määnetäänene’, töwaacö’je mma mädääje ñaa döjai maato. Yääje yeichaame yää ännöjo’da ñaa cönä’jaacä äwwäiñe. Töshinchä mmaane tameedä ñaa cönshinchäi, Jesuuquidiito wätunnäi aashichaato ecammajäätödö emu’däjoodö queiñe ñaa wwä.

1 CODINTIYO 9:14

Mädääje mmaja Cajiichaana Jesuuquidiito waanontädö na dea ñanno aashichaato wätunnä ecammajäätödö jäconcomo wetaadawa’cajoodö jäcäiñe; mädä tötaadawaajuichomo que dea töweicho’como chaana’cajai ñaato.

1 CODINTIYO 9:16

Aashichaato wätunnä ecammajä’neije weichaame mädä jäcä ä’wa’demeejai’cha wa, taadawaajuiñe yeiyajä. Wentumje eijai wa yaawä aneecammajäätö’da weiya’jäcä.

1 CODINTIYO 9:18

Yääje yeijäcä yeeje’jödööje weneene yää ejeemajancädä’da aashichaato wätunnä ecammajäätödö öwwä, ejeemojoojai weichaame, yää wäädai’chäjoodö que, wääwashinchäjoodö que mmaja.

1 CODINTIYO 9:23

Aashichaato wätunnä ecammajäätödö jäcäinchädä mädääje wäänene, öwwä aashichaato ä’tuiye yaawä, yää aashichaato wätunnä necammadö.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 3:24

Yää jenaado’jä waanontänä cönä’jaacä cä’se’täneichomooje, mude’cä’cä edai’chänei töweiye naichöje. Yää cä’se’tätääne Quidiito weejödö wa’cä, Wanaadi jadoncomooje cöwä’dödööcomo wetä yaawä Quidiito ecaanö’a’jäcä cöwwäiñe.

CAADATA 3:25

Quidiito ecamjödö que weiñä cu’nädö wä’dö’jödö weijäcä tujunne’da na eduuwa yää cä’se’täneichomooje cönä’ja’dö.

CAADATA 4:19

Önnacoomo’cä, wodi töwensu’dato tönnedö’cä töiñe’ma töweiye naichö wa’cä wäntunaanö’a dea eduuwa äjääcäinchädäiñe, Quidiito nönge äwä’dödööcomo wa’cä.

2 TIIMOTEO 4:3

Aneedawä chäänöngato wätunnä eta’se’da soto weicho’como cu’nädö na’de. Tönwanno ni’jummaato’de töwaacötö jäcä owaanomannamo mma, töjaanashiiyännamooje mma.

TIITO 1:4

Äwwadäädä wimenna, amäädä Tiito. Önnedö chäänöngato amäädä, cöneecamjödööcomo jäcäinchädä. Aashichaato äwwä yei’she wa Cumöötoncomo Wanaadi nutuudu, Cajiichaana Jesuuquidiito nutuudu mmaja, ñäädä Cäwaanacaaneichomo; wentumje mmaja adheene’se wa chäwwäiñe; täncanoode’da aweichojo äwwä yei’she wa dea.

JIIDEMÓN 1:19

Öwö, Paudo dea, edä wimenna, öwö wejeema’de, amäädääne aweichö que jeene yeejeque’nä’taame.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

1 PEEDHODO 1:23

Änwanno töwennue maato eduuwatoje, soto weichö töwaatameemö que’da, Wanaadi a’deddu yeichöödäjaato queene, yää töwaatamemjönö.