1 CODINTIYO 3:23 - Wanaadi A'deddu

²³ Änwanno mmaane Jesuuquidiito wwonooje maato, Jesuuquidiito ’quene Wanaadi wwonooje na.

1 CODINTIYO 3:23 ပူးပေါင်းရင်းမြစ်များ

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

JUAN 17:18

Edä nono de’cäi canontäneedöje mmaja wanontäneeto dea tönwanno, tameedä yeichö wa’cä.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

DOMAANO 14:8

Nudä cöweichöcoomo Cajiichaana wwonooje caato; cöwääma’comjäcä Cajiichaana wwonooje dea caato. Mädääje na; nudä cöweichöcoomo jeiñe mma, töwääma cöweichöcoomo jeiñe mma, Cajiichaana wwonooje dea caato.

1 CODINTIYO 11:3

Odhoowanääcäiñe yei’she wa Quidiito dhanwa ju’jäje yeichö; dhanwa ’quene wodi ju’jäje; Wanaadi ’chene Quidiito ju’jäje.

1 CODINTIYO 15:23

Cöwaadäiñe cucu’nädööcomo awä caadoncaato’de. Quidiito awa’deetoje cönaadoncai; yaawä töwö ye’a’jäcä, shootoi chaja naadoncaato’de.

1 CODINTIYO 15:28

Tameedä töwwä e’jodheincha’jäcä, töwö Quidiito daja, Wanaadi nnedö, nä’tua’de Tumö wwä, ñäädä tameedä to’nä tödöönei’jödö. Wanaadiiñe tameedä o’jodhaatoje na’de yaawä, tameedä yeichö wa’cä.

1 CODINTIYO 7:22

Ñäädä Cajiichaana Jesuuquidiito wwä ta’dejjadaawä tädhaajäque cönä’ja’dö, eduuwa tädhaajäque yeichö jonno u’caajä töweiye naichöje na, Cajiichaana Jesuuquidiito anoonöje yeichö wetä. Yääje mmaja ñäädä ta’dejjadaawä tädhaajäque’da cönä’ja’dö; Quidiito anoonöje na eduuwa ñäädä.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

2 CODINTIYO 10:7

Änwanno ye’wono mma mene’maato. Anejja wwä Quidiito sotoije töwääcanö’a’jäcä, Quidiito sotoije ñaa weichö mmaja chö’tamme’jai ña dea, töwö naadöje mmaja.

CAADATA 3:29

Quidiito sotoije aweijäcäiñe Aawadán atö’jödööje mmaja maato dea. Yääje yeijäcä äwwäiñe nä’tua’de aashichaato, Aawadán wwä Wanaadi cöneecammaichö dea.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.