1 CODINTIYO 3:10 - Wanaadi A'deddu

¹⁰ Wanaadi yaanontäneedöje dea dha’deddu awa’deene wecammajä’ne äwwäiñe, towaanojo’nato wwä maa amäädawä dha’täi awa’deene tönnöe töweiye naichöje. Anejja namääa eduuwa yää neecammajäätö’jödö de’wä. Towoinchadä’daane namo’ñojo ñäädä yää de’wä amäänei.

1 CODINTIYO 3:10 ပူးပေါင်းရင်းမြစ်များ

MATEO 24:45

“ ¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

MATEO 7:24

“Yääje yeijäcä ñäädä ya’deddu töneeta’jödö tödöönei dhanwa tösejjecaato wei’jödö nönge na. Ñäädä dhanwa tömmai cönaamäi tooja de’wä. Täije cönnöi.

DUUCA 11:35

Odhoowoinchadä’da eichä, adhaawadööjato’jödö änweijo’da’da mma ei’che.

DUUCA 21:8

Jesuuquidiito cönä’döaacä chäwwäiñe: —Odhoowoinchadäiñe’da eichäcä, mätäncu’tojooto’no. Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe; “Chu’nädö aca nä’döi eduuwa;” quee töwä’döancädäiñe mmaja. Dha’dedducoomo mma maneetatäi’che.

DOSECHO 18:27

Yää ’jeje Apoodo töötä’se cönä’jaacä Acaaya ña. Ñanno quedeiyentecoomo Eujeeso ñancomo aashicha cönenno’jaicho yaawä. Tönwanno jajeeda cömmennoicho Acaaya ñancomo wwadäädäiñe, Apoodo wwä tadoojoomö, aashicha yeichöcoomo wetä chääjäcä. Yaawä Acaaya ña Apoodo wä’döa’jäcä töwö jooje cöni’wa’toicho ñanno Wanaadi ni’wa’tädö woije ecaanö’nnamo.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 15:15

Yääje yeichaame tösaade’da mädä jäcä wimennäi äwwadäädäiñe, chö’taqueejö’da aweichöcoomo wetä. Mädääje mänwätuujaato Wanaadi nanontädö woije, yää aashicha töweichö woije taadawaajuije inchudu naadö.

DOMAANO 15:20

Öwö tönencano’tä wä’jaaquene aashichaato wätunnä ecammajäätödö Quidiito dhowaanojöncomo wwäiñeene, anejja najäntä’jödö de’wä mma taadawaajui wännö’no, quee öucwadööje.

1 CODINTIYO 3:11

Yäätonno anejja yää maa a’täije tödööjai’cha na, tödööe naadö jonno; Jesuuquidiitoone dha’täije na.

1 CODINTIYO 9:2

Anejja wwä anontaajäjemjönö wa’cä tö’ta’jäcä, änwanno mmaane yääje chö’tajä’jai’cha maato. Änwanno ñanno anontaajäje weichö yeene’ju’jonnamo, mädä Cajiichaana Jesuuquidiito ecaanö’nnamooje maatoodö.

2 CODINTIYO 10:15

Mänseedä deja’da mmaja ñaa nääcamma dea, anejja tadaawaajui’jödö ecammadööjönö ñaa wwä. Jooje’cä jeene aneecamjödööcomo yä’dö’se ñaa na, jooje’cä jeene adhantawäiñe ñaa etaadawa’cajoiyede yaawä, ñaa wwä tödöötojo Wanaadi necamma’jödö ija’dä’jancädä’daane.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

CODOOSENSE 1:29

Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

CODOOSENSE 4:17

Edääje caichäcä’de Aadiquiipo wwä: “Aashichaane tödööcä ataadawaajui, yää Cajiichaana nutuudu äwwä; tödööeene tödööcä;” quee caichäcä’de chäwwä.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

SANTIYAACO 3:1

Jimmä, jooje’da owaanomannamooje eichäcä. Jooje’cä jeene Wanaadi wwä cä’mencajaato’de cönwanno owaanomannamo.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

2 PEEDHODO 3:15

Odhoowanääcäiñe tödöötäcä cöwääwanaacato’comooje yeichö mädä Cädhaajotoncomo Jesuuquidiito wwä cönshinchädööcomo. Mädääje dea cöjimmotoncomo tujunnato Paudo cömmennäi äwwadäädäiñe, Wanaadi nutuudu tösejjedö woije.

APOOCADIISI 21:14

Amoojadooto de’wä aacä cönä’jaacä chuudadai’chä’jödö o’wadö. Chääjäcä imennaajä cönä’jaacä, ñanno amoojadooto de’wä aaco’como Oweeja nnedö’cä nanontädö eetöcoomo, ñanno anonta’como’jödö.

APOOCADIISI 21:19

Jata cudaadai’chä’jödö o’wadö cönä’jaacä tameedä widiiqui nönga’como, chääwaadäiñe. Awa’deenato jäcä cönä’jaacä jáasepe, sheenato. Yää ’jejaato cönä’jaacä sajiido, jä’nä ’moi nönge sheene yeichö. Aaduwaawoto cönä’jaacä áacata, sheenato mmaja. Aacäicheeato cönä’jaacä medaada, chuuta töwääne naichöje sheene.