1 CODINTIYO 2:15 - Wanaadi A'deddu

¹⁵ Ñäädä Epíiditu Santo ’jano mmaane tameedä töntö’tamme’que weneene, anejjacoomo äntö’tammecö’da yeichaame töwö yeichö.

1 CODINTIYO 2:15 ပူးပေါင်းရင်းမြစ်များ

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

DOSECHO 16:3

Ñäädä Paudo adä’se cönä’jaacä töjaadä. Yääje yeijäcä siicunsidaadoje cönnöi yaawä ñanno töötoto’como ña judhío cönä’ja’todö jäcäinchädäiñe, tameedä dhowaanäcäiñe yeijäcä quidiiyeecoje yuumö weichö.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

1 CODINTIYO 3:1

Jimmä, Epíiditu Santo woija’como wwä wa’deunä töweiye naichöje a’deujai’cha wä’jaaquene äwwäiñe, tujuunu woija’como wwä wa’deunä töweiye naichöje mmaane, quedeiyente ä’döeenö wwä wa’deunä töweiye naichöje mmaja.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

CAADATA 6:1

Jimmä, conemjönö wwä ajimmotoncomo woto’jodheinchaja’jäcä änwanno chäänönga’como yeeconeecadö jäcä i’wa’täjai maato yaawä, cho’jodhe ätö’tajä’ancädäiñe’da. Awaadäiñe äädai’chätääcä, änwanno mmaja mä’yunaacajooto’node.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

1 TEESADOONISENSE 5:21

Tameedä chäänönge imencatääcä; aashichaato dea äwwäiñe tödöötäcä.

EEWEDEO 5:14

Äwanshi ñeene mmaane na inchoncomo ewanshiñööcomooje. Ñanno dhowaanäcäiñe na aashichaato edantädö, conemjönö edantädö jeiñe mma, weiñä tö’tammecöödö jäcä töwäämu’ca töweichomjäcä.

1 JUAN 2:20

Äwwäiñe mmaane Quidiito cuntui Epíiditu Santo; tameedä towaanojo’neiñe maato.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.