1 CODINTIYO 2:14 - Wanaadi A'deddu

¹⁴ Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

1 CODINTIYO 2:14 ပူးပေါင်းရင်းမြစ်များ

MATEO 16:23

Jesuuquidiito cönä’jedennacai yaawä; cönä’döaacä: —Ääsecaacä yoowajonno, amäädä Caajuushawa. Saadijannä’ca’se’jödö mädääje adha’deuwa. Soto tö’tajäätödö nönge mma ätö’tajä’a, Wanaadi tö’tajäätödö nönge’da; quee cönä’döaacä Jesuuquidiito Peedhodo wwä.

JUAN 10:20

Dhantai cönä’döa’to: —Odo’sha ’je na; tö’jeta na. ¿Ane’cotoojo dha’deddu metaato? quee.

JUAN 12:37

Ñeenedööcomooje jooje ene’ju’tojo tödö’jödö weichaame Jesuuquidiito wwä, ñanno judhíocoomo aneecamjö’da dea cönä’ja’to.

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

JUAN 8:43

¿Ane’que’nei aashicha aneeta’da maato neecammajäätödö? Etaajai’cha aweichöcoomo mmädä mädä.

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOSECHO 18:15

töwäädä äwäätunnäichomo mma mädääne’, adhaichudiiyöcoomo jäcä wätäccujä’nä mmaja. Änwanno deaane mädä choonecaatäcä. Mädä nöngato etaajätö’se’da wa öwö; quee cönä’döaacä Caadiyón.

DOSECHO 25:19

Töwäätunnäichomo jäcä mma cöna’deuwa’to, Jesuuquidiito täätö jäcä mmaja. Ñäädä töwääma cönä’jaacä; Paudo mmaane nudä yeichö töneecamma weneene.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 1:25

Yää Wanaadi ’jedööje töne’tä weneenetoodö soto sejjedö e’jodhe’cä na; jäduuje’da Wanaadi weichö töne’tä weneenetoodö mmaja soto jäduudu e’jodhe’cä na dea.

1 CODINTIYO 15:44

Edä nono de’wono ewaaca’jödö weichaame yaadoncaajä mmaane caju ñanooje. Töweiye edä nono de’wono cäjööcomo; töweiye mmaja na’dede caju ñano cäjööcomo.

1 CODINTIYO 15:46

Caju ñano cäjööcomoojönööne awa’deetoje na, edä nono de’wonoone; yää ’jeje jeene caju ñano.

1 CODINTIYO 2:12

Cönwanno cöwwäiñe cönä’tui edä nono de’wonoojönö tö’tajo’tojo, Epíiditu Santoone, ñäädä Wanaadi dö’sennoto we’ajä. Ñäädä Epíiditu Santo cöwwäiñe cönä’tui Wanaadi nutuudu aashichaato cöwwäiñe naadö cowaanäcäiñe yeichö wetä.

1 CODINTIYO 3:1

Jimmä, Epíiditu Santo woija’como wwä wa’deunä töweiye naichöje a’deujai’cha wä’jaaquene äwwäiñe, tujuunu woija’como wwä wa’deunä töweiye naichöje mmaane, quedeiyente ä’döeenö wwä wa’deunä töweiye naichöje mmaja.

SANTIYAACO 3:15

Caju ñanoojönööne yää yääjato sejje, edä nono de’wono mma, ajuunucoomo woijato mmaja, odo’sha dö’sennoto mmaja.

1 JUAN 2:20

Äwwäiñe mmaane Quidiito cuntui Epíiditu Santo; tameedä towaanojo’neiñe maato.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

JUUDHA 1:19

Ñanno chäänöngemjöncomo töwäätunnäichomo que änwannoje dea ätu’de’täjootäiñe weneeneto. Ñäädä Wanaadi dö’sennoto Epíiditu Santo ’je’da naato; edä nono de’wono woije mma weneeneto.