1 CODINTIYO 16:15 - Wanaadi A'deddu

¹⁵ Jimmä, edääje wä’dö’se wa äwwäiñe: Odhoowanääcäiñe Eteujana wä’jimmä’tädö awa’deene quedeiyenteje yääwaacajo’jocoomo Acaaya ña. Tönwanno quedeiyentecoomo töni’wa’tä weneeneto, yeichöcoomoje.

1 CODINTIYO 16:15 ပူးပေါင်းရင်းမြစ်များ

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOMAANO 12:13

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

DOMAANO 15:25

Eduuwa mmaane Jeduusadén ña wöta, iiñancomo quedeiyentecoomo i’wa’toto’como imö’que.

DOMAANO 15:31

Wanaadi wwä adha’deutäcä Judheea ñancomo quedeiyentejöncomo wwä yeewontäiye. Chäwwä e’ca’täcä’dede quedeiyentecoomo Jeduusadén ñancomo aashicha tödöiyeto edä i’wa’toto’como yöiñaiñe wadääaadö.

DOMAANO 16:2

Cajiichaana Jesuuquidiito jäcäinchädä aashicha tödöötäcä’de, quedeiyente weichö nönge deaane. I’wa’tätääcä’de tameedä iiñödö jäcä. Quedeiyente i’wa’täneichomo töwö; öwö mmaja ö’wa’tätä weneene dea.

DOMAANO 16:5

Ya’deujödö wadääja dea Pidiisiida, Aquiida e’sacaiñe töweecanta’ñä weneenetoodö wwadäädäiñe mmaja, umjummadö Eepeneeto wwadäädä mmaja, ñäädä Acaaya ñano awa’deene Quidiito ecaanö’nei’jödö.

1 CODINTIYO 1:16

Eteujana wä’jimmä’tädö mmaja wautisaaje wödööneto dea; yäätonno anejja wautisaaje tödö’jödö chö’ta’da wa.

1 CODINTIYO 16:1

Edääje wä’dö’se wa jödaata quedeiyentecoomo i’wa’toto’como i’jummadö jäcä. Änwanno tödööjai maato Cadaasiya ñancomo quedeiyentecoomo wwä wödööjoneedöje mmaja.

1 CODINTIYO 16:17

Öwö ta’cwaiñe wa döiña Eteujana weejö’jödö weijäcä, Jootunaato mmaja, Acaico mmaja. Tönwanno öwwä tönnöe weneeneto änwanno tödööjai’cha määnetäänedö eetä’da aweijäcäiñe.

2 CODINTIYO 8:4

Tönwanno jooje cönäätä’catoicho ñaa wwä quedeiyentecoomo i’wa’tädööcomo jäcä.

2 CODINTIYO 9:1

Äwwadäädäiñe imennäjai’cha weichaame yää quedeiyente i’wa’toto’como i’jummadö jäcä,

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

JIIDEMÓN 1:7

Weichacoono, mädä wä’jummanä ’je aweichö ya’cwaimatä weneene, jäädu’tätä mmaja, amäädä ani’wa’tädö que quedeiyentecoomo tömjädu’täiñe aweijäcä.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

1 PEEDHODO 4:10

Äwaadäiñe Wanaadi nutuudu äwwäiñe naadö tödöötäcä awe’wa’toto’comooje. Wanaadi nutuudu aneejejaiñene’jödöödoto chäänönge tödöötäcä.

APOOCADIISI 14:4

Ñanno naato masuuduijemjöncomo’jödö, wodi jadä eijöncomo’jödö. Tönwanno nötaato Oweeja nnedö’cä jadä, iichotoojo waadäi. Yääwanaaca’como tönwanno soto antawonnoiñe, awa’deena’como Wanaadi sotoije eiya’como, Oweeja nnedö’cä sotoije eiya’como mmaja.