1 CODINTIYO 15:58 - Wanaadi A'deddu

⁵⁸ Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 15:58 ပူးပေါင်းရင်းမြစ်များ

MAADOCO 3:3

Yaawä Jesuuquidiito cönä’döaacä dhamäädö töwaamo’mongato wwä: —Aanöncä, ä’cäde sadäädä.

DUUCA 19:19

Ñäädä wwä mmaja ñäädä Cajiichaana cönä’döa’dea: “Amäädä ma’de ijaatoodea jata edhaajäje;” quee.

1 CODINTIYO 16:10

Adöiñaiñe Tiimoteo wöta’jäcä aashicha tödöötäcä’de, täncanoode’da eiye ajaadäiñe, töwö Cajiichaana Jesuuquidiito tadaawaajui tödööneije yeijäcä, öwö waadöje mmaja.

1 CODINTIYO 3:8

Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

CAADATA 4:11

Töwäädämmato nönge äjääcäiñe weetadaawa’cajo’jödö nichö’ta öwwä.

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 1:9

Wanaadi wwä töne’ca’e wäänene jooje’cä äwä’jummadööcomo wejantojo, töseedujä’ne aweicho’como jadä, tösejjeque aweicho’como jadä mmaja,

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

JIDIIPENSE 2:30

Töwö Quidiito tadaawaajui jäcäinchädä äämadö cöneiyacä. Äämajai töweichaame öwwä tönnöjä’e cönä’jaacä yää öwwonooje tödööjai’cha mä’ja’quennö.

JIDIIPENSE 4:17

Jödaata äntuiyeto eduuwa öwwä, quee öucwadööje’da yääje wä’döa, ännö’jocoomo eje’jödö ’je yei’she weijäcääne.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 2:5

Öwö ajaadäiñe’da weichaame tö’tajäätödööne ajaadäiñe na. Ta’cwaiñe wäänene chäänönge aweichöcoomo yoowanääcä yeijäcä, Quidiito ecamjödö jäcä yäätäädä aweichöcoomo yoowanääcä yeijäcä mmaja.

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 3:12

Ñäädä Cädhaajotoncomo adhaatö’nä’jaato, äwä’jummato’como mmaja nu’a dea, tameedä soto ijummato’como mmaja, ñaa ajummaatoodöje dea.

1 TEESADOONISENSE 3:3

aweejäduuquejöödöcoomo queiñe mmaja mädä äwäntunamjödööcomo e’nei. Änwanno odhoowanääcäiñe na mädääje töwäntunaanö’aamoje cöweichöcoomo.

1 TEESADOONISENSE 3:5

Yääje yeijäcä ä’shinchä’da yaanonö wanontäne adöiñaiñe, yoowanääcä yeichö wetä aneecamjödööcomo jäcä yeichö. Edääje tö’tajä’ne: Odo’sha wwä töwäätäncu’tojo mma eiñoto, töwäädämma ñaa tadaawaajui’jödö ei’ño yaawä; quee tö’tajä’ne äjääcäiñe.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.