1 CODINTIYO 15:57 - Wanaadi A'deddu

⁵⁷ Yääje yeichaame Wanaadi nu’a cöwwäiñe e’jodheinchatoojo, Cädhaajotoncomo Jesuuquidiito ai. Yääje yeijäcä aashicha Wanaadi tä’tämje na.

1 CODINTIYO 15:57 ပူးပေါင်းရင်းမြစ်များ

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 27:35

Yääje töwa’deuwö’jeje Paudo uu cönannäjöi; Wanaadi wwä cöna’deuwöi chääjäcä tameedä ñeetadööcomooje. Yaawä i’yacaadö’jo cönaajäntäi töwääwashinchädö.

DOMAANO 7:25

Wanaadi mma yeewanaacajai ña, Cädhaajotoncomo Jesuuquidiito ai. Yääje yeijäcä aashicha wa’deutojooje töwö Wanaadi ña. Mädääje na; tö’tajäätödö que Wanaadi waanontädö woije wäänene, juunu mmaane conemjönö anoonöje weneene.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 15:51

Edä owaanojöönö’jödö odhoowanääcäiñe yei’she wa: Tameedä’da töwä’ja’aamoje caato, töwenwacaamaamoje mmaane caato tameedä,

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 9:15

Aashicha wa’deutojooje Wanaadi ña, cöwwäiñe ecammatoojo ’jemjönö inchudu naadö jäcäinchädä.

EUJEESIYO 5:20

Cädhaajotoncomo Jesuuquidiito eetö joi aweichöcoomoje aashicha adha’deutäcä Cumöötoncomo Wanaadi wwä, tameedä äjääcäiñe töweeja’dä’e weneenedö jäcä.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 21:4

Töwö Wanaadi nichocca’de tameedä chäänacuuducoomo. Wäämanä ’je’da na’de yaawä, wentumje weiñä ’je’da mmaja; waamonä ’je’da na’dede, se’neiñe weiñä ’je’da mmaja, awa’deenato weiñä wataame’jödö weijäcä; quee cönäätaacä a’deu.