1 CODINTIYO 15:50 - Wanaadi A'deddu

⁵⁰ Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

1 CODINTIYO 15:50 ပူးပေါင်းရင်းမြစ်များ

MATEO 16:17

Jesuuquidiito cönä’döaacä chäwwä: —Ta’cwaiñe eijai ma amäädä Simón, Joná nnedö. Sotoojönööne mädääje odhoowanoomane, Jaaja caju ñanoone.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

1 CODINTIYO 1:12

Edääje wä’dö’se weichö mädä: Edääje awaadäiñe töwä’döe määnetääne: “Paudo sotoi öwö;” quee; anejja ’quene: “Apoodo sotoi öwö;” quee; dhantai ’chene: “Peedhodo sotoi öwö;” quee; “Quidiito sotoi öwö;” quee daja anejjacoomo.

1 CODINTIYO 15:42

Mädääje mmaja töwäämaajo jonno waadoncanä. Töcäätaamö ewaaca’jödö weichaame yaadoncaajä mmaane töwäämamjönööje.

1 CODINTIYO 15:44

Edä nono de’wono ewaaca’jödö weichaame yaadoncaajä mmaane caju ñanooje. Töweiye edä nono de’wono cäjööcomo; töweiye mmaja na’dede caju ñano cäjööcomo.

1 CODINTIYO 6:10

tämeenato mmaja, anejja nödöödö i’ñeimmanei mmaja, töwä’dau’cwato mmaja, wätunnä edhaajä mmaja, äncu’tänei mmaja; tameedä yääja’como Wanaadi jataacäi täjai’cha naato.

1 CODINTIYO 6:13

Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

1 CODINTIYO 7:29

Edääje wä’dö’se weichö mädä jimmä: Amoinche’da nä’döi chu’nä’taajä. Eduuwa naadö jonno ñanno tö’dha’como eijai ñaato tö’dhemjöncomo nönge;

2 CODINTIYO 5:1

Edä cäjööcomooje naadö maa töwaatameemö nönge na. Cönwanno cowaanäcäiñe na edä wataamea’jäcä anejja maa cöwwäiñe töweiye yeichö caju ña, soto namäädöjöönö, Wanaadi namäädö yeichöödäjaatoone.

2 CODINTIYO 9:6

Edääje wä’döa äwwäiñe jimmä, ñäädä äächädämma ñaatö’tänei äächädä mmaja namu’ca’dede; jooje ñaatö’tänei mmaane jooje namu’ca’dede.

CAADATA 3:17

Edääje wä’dö’se weichö mädä: Wanaadi cöneecammai aashichaato Aawadán wwä. Yää ’jeje, 430 wedu ’jeje, jenaado’jä waanontänä cönä’tui, yää Moisé nimennä’jödö naadö. Yääje yeijäcä yää jenaado’jä waanontänä töwäädämmatooje tödööjai’cha na Aawadán wwä Wanaadi wääcamma’jödö; Wanaadi necamma’jödö täje’da tödööjai’cha mmaja.

CAADATA 5:16

Edääje wä’dö’se wa äwwäiñe: Epíiditu Santo woije eichäcä, yaawä ajuunucoomo nijummadö woije ännö’da eijai maato.

EUJEESIYO 4:17

Yääje yeijäcä edä wecammaadö Cajiichaana woije mänwätuujaato: Änwanno Wanaadi dhowaanojöncomo nönge eijai’cha maato eduuwa, ñanno tötö’tajäätödööcomo chäänöngemjönö woije weneenetoodö.

CODOOSENSE 2:4

Mädääje wä’döa äwwäiñe anejja mma adhencu’toto’no aashichaato wa’cä ta’deddu que.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.