1 CODINTIYO 15:20 - Wanaadi A'deddu

²⁰ Yääje’daane na; töwaadoncaane Quidiito cönaadoncai töwäämaajo jonno. Töwö ñäädä awa’deenato yä’ja’a’como antawonnoiñe waadoncaajä, ñanno töwaadoncaamoje naatoodö antawonnoiñe.

1 CODINTIYO 15:20 ပူးပေါင်းရင်းမြစ်များ

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOSECHO 26:23

Edääje töneecammajä’e ñanno cönä’ja’to: “Äwaanacaanei näntunaanö’a’de; töwö na’de awa’deenato töwäämaajo jonnoto waadoncadööje. Töwö judhío wwäiñe necammajä’a’de tawaanato aca weiñä jäcä, judhíojöönö wwäiñe mmaja;” quee töneecammajä’e cönä’ja’to ñanno Wanaadi wa’deuwödö ecammannamo; quee cönä’döaacä Paudo.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

1 CODINTIYO 15:23

Cöwaadäiñe cucu’nädööcomo awä caadoncaato’de. Quidiito awa’deetoje cönaadoncai; yaawä töwö ye’a’jäcä, shootoi chaja naadoncaato’de.

1 CODINTIYO 15:6

Yää ’jeje töwö cönäänejoi aacä soto soto quedeiyentecoomo we’jumma’como wwäiñe. Ñanno nudä dea naato eduuwa, dhantai töwä’ja’e yeichaameiñe.

CODOOSENSE 1:18

Quidiito na chääjö ju’jäje, ñanno quedeiyentecoomo ju’jäje. Töwö na yeicho’como u’neije, awa’deenato töwäämaajo jonnoto waadoncaajä mmaja, tameedä o’jodhaatoje töweichö wetä.

1 TEESADOONISENSE 4:16

Cajiichaana Jesuuquidiito dea nä’ta’de caju ñanno, jäduuje töcä’töngancädä. Wanaadi amoodedö edhaajotoncomo töcä’de nichä’tönga’de; Wanaadi janau’cwai nääta’de yaawä. Yaawä ñanno quedeiyentecoomo wä’ja’a’como naadoncaato’de awa’de,

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 14:13

Yaawä a’deu wetaaquene caju ña. Edääje cönäätaacä: —Edääje imennäcä: “Ta’cwaiñe eijai ñaato ñanno eduuwa naadö jonno Cajiichaana ecaanö’nnamo wä’jajoodöcoomo;” quee imennäcä; que a’deu cönäätaacä öwwä caju ña. Edääje Epíiditu Santo cöneccujä’acä yaawä: —Yääje dämma na; ñanno Cajiichaana ecaanö’nnamo wä’jajoodöcoomo näädeetaato’de tötaadawaajuichomo tödö’jödö jonno. Tönwanno neneeaato’de tönnö’jocoomo; quee.