1 CODINTIYO 14:6 - Wanaadi A'deddu

⁶ Jimmä, edääje yeiya’jäcä naadö naane’, anejja a’deucwe wa’deuwancädä adöiñaiñe ööta’jäcä, ¿aaquene mmaja mani’wa’tätäädö deeade’ ? Öwwä Wanaadi neneejo’jödö jäcä täcammajä’emö dha’me ööta’jäcä mmaane ä’wa’täjaiñe wa, chäänöngato wätunnä jäcä ecammajäätödö dha’me weiya’jäcä jeiñe mma, Wanaadi a’deddu täcammajä’emö dha’me jeiñe mma, odhoowanoomato’como dha’me jeiñe mma; mädä nöngato dha’me ööta’jäcä ä’wa’täjaiñe wa.

1 CODINTIYO 14:6 ပူးပေါင်းရင်းမြစ်များ

MATEO 11:25

Yääje mma yaawä Jesuuquidiito cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane.

MATEO 16:17

Jesuuquidiito cönä’döaacä chäwwä: —Ta’cwaiñe eijai ma amäädä Simón, Joná nnedö. Sotoojönööne mädääje odhoowanoomane, Jaaja caju ñanoone.

MATEO 16:26

¿Aaquene mmaja aashicha eichö deeade’ tameedä nono de’wono chaana’ca’jäcä soto wwä, töweichö ennanö’cataame? ¿Ane’cäämö soto äntuduude’ töweichö ejeetöje?

DOSECHO 2:42

Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 14:1

Wä’jummanä ’je aweichöcoomo encano’tätääcä; ijummatääcä Epíiditu Santo nu’jätöödö. Wanaadi nutuudu woije ecammajäätödö jooje’cä ijummatääcä.

1 CODINTIYO 14:7

Tätööemö töweiye naichö naane’, jiichu, se’seedi mmaja. Etöödö nönge’da etööa’jäcä ¿aaquene mmaja aashicha äätadö deaade’ ?

2 CODINTIYO 11:6

A’deu edhaajäje’da weichaame, sejjedö mmaane töweiye na. Mädääje töweichö äwwäiñe töwäänejo töweiye ñaa cönä’jaacä weiñäje.

2 CODINTIYO 12:1

Dötä’da yeichaame mädääje wä’wa’deme’ca. Eduuwa äwwäiñe wecammajäätö’ñojo Cajiichaana Jesuuquidiito niyääne’cajo’jödö jäcä, öwwä ñeenejo’jödö jäcä mmaja.

2 CODINTIYO 12:7

Yää Aashichato ña neene’jödö aashicha cönä’jaacä, jooje; yääje yeijäcä jooje deja yää jäcä o’jodhe tö’tajäätödö queiñe se’nato öwwä cönä’tui, wesooca’jä töweiye naichö nöngato. Yää cönä’jaacä Caajuushawa woijato, yuunacaaneije.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

EUJEESIYO 3:4

Yää a’de’ta’jäcä äwwäiñe odhoowanääcäiñe eijai ña yaawä Quidiito jäcä owaanojöönö’jödö yoowanääcä yeichö.

JIDIIPENSE 3:15

Yääje yeijäcä cönwannoodä, chäänönge caatoodö, mädääje cötö’tajä’täiye. Aneiñaja ätö’tajäätödööcomo yeiya’jäcä mmaane yää mmaja Wanaadi nisha’dumincha’da äwwäiñe.

2 TIIMOTEO 2:14

Edä jäcä chö’tamme’jocooto; Cajiichaana owaadäädä yäätuujacooto wätunnä jäcä ätäccujäätö’da yeichöcoomo wetä. Aashicha dötä’da na yää wätäccujä’nä, töcoone’ma mma nichoone’ma etaanei’jödö.

2 TIIMOTEO 3:10

Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.

2 TIIMOTEO 3:16

Tameedä Wanaadi a’deddu imennaajä Wanaadi woije tömennä na. Yää aashicha na woowanoomatoojoje, wä’wätuujatoojoje mmaja, wä’sa’duminchatoojoje mmaja, aashicha weiñä jäcä wäämu’catoojoje mmaja,

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

2 PEEDHODO 1:5

Yääje yeijäcä ä’jädu’tätääcä, aneecamjödööcomo jadä aashicha weiñä mejoodöjootäiye; yää aashicha weiñä jadä towaanojo’ne weiñä mmaja mejoodöjootäiyede;

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.